38 “Kabakaleo mizwale, muzibe kuli, ka yena yo, lushaela ku mina taba ya kuswalelwa kwa libi,+ 39 ni kuli mutu kaufela yalumela uba yasina mulatu ka yena, mwa lika kaufela mone musakoni kuba babasina mulatu ka Mulao wa Mushe.+

15 Luna babali Majuda ka sipepo, mi halu baezalibi babazwa mwa macaba, 16 lwaziba kuli mutu ubeiwa kuba yalukile, isiñi ka misebezi ya mulao, kono ka kubonisa feela tumelo+ ku Jesu Kreste.+ Ka mukwa ocwalo, lubeile tumelo yaluna ku Kreste Jesu, kuli lukone kubeiwa kuba babalukile ka tumelo ku Kreste mi isiñi ka misebezi ya mulao, kakuli hakuna mutu yakabeiwa kuba yalukile ka misebezi ya mulao.+

10 Kakuli bakeñisa kuli Mulao unani muluti+ wa lika zende zene sataha,+ kono isiñi zona luli, ka kuzwelapili kufa matabelo aswana silimo ni silimo, haukoni* nihanyinyani kutahisa kuli babaatumela Mulimu bapetahale.+