Lisamu

127 Haiba Jehova asayahi ndu,

Bayahi bayona niha bakasebeza ka taata kuiyaha, ikaba kusebeza kusatusi sesiñwi.+

Haiba Jehova asakanteli muleneñi,+

Mukanteli waona niha tona, utona kusatusi sesiñwi.

 2 Niha mupakela, mupakela feela kusatusi sesiñwi,

Niha mulobala busihu hahulu,

Niha musebeza ka taata kuipatela lico,

Kakuli yena ubabalela balatiwa bahae ni kubafa buloko.+

 3 Hamubone! Bana ki saanda sesizwa ku Jehova;+

Sesipepwa ki mba ki mupuzo ozwa ku yena.+

 4 Sina masho aa mwa lizoho la muuna yamaata,

Bana bakuipepela mwa bunca ni bona bacwalo.+

 5 Tabo ki ya mutu yataza sipusu sahae sa masho ka bona.+

Habana kuswaba,

Kakuli bakabulela ni lila mwa munyako wa muleneñi.