Isaya

35 Lihalaupa ni naha yeomile likanyakalala,+

Mi lihalaupa likawabelwa ni kutubula lipalisa sina safrani.+

 2 Likatubula lipalisa;+

Likawabelwa ni kuhuweleza ka tabo.

Likafiwa kanya ya Lebanoni,+

Ni bunde bwa Karmele+ ni bwa Sharoni.+

 3 Mutiise mazoho afokola,

Mi mutiise mañwele ashekesha.+

Hamubone! Mulimu wamina ukataha kuto kutiseza lila zahae bumaswe bwazona,

Mulimu ukataha kuto bakutiseza kulikana ni likezo zabona.+

 5 Ka nako yeo, meeto a libofu akabona,+

Mi mazebe a bo susu akatibululwa.+

 6 Ka nako yeo, lihole likatulaka sina lizwii,+

Mi lulimi lwa limumu lukahuweleza ka tabo.+

Kakuli mezi akawelauka mwa lihalaupa,

Mi linukana likabuba mwa lihalaupa.

 7 Naha yecisa, yeomile ikafetuha sibaka sa mezi sa mataka,

Mi naha yesina mezi ikawelauka mezi.+

Mwa misima mone kubuta mawawa+

Kukamela bucwañi bobutala ni mataka ni kuma.

 8 Mi kukaba ni nzila mwateñi,+

Yona nzila yebizwa Nzila Yekenile.

Ibulukezwi yalumelelizwe kuzamaya mwateñi;

Hakuna sikuba sesika fapuhela mwateñi.

 9 Tau haina kuba mwateñi,

Mi hakuna libatana zebuhali zekahata mwateñi.

Halina kufumanwa mwateñi;+

Babaliuluzwi ki bona feela babaka zamaya mwateñi.+

Bakawabelwa ni kunyakalala,

Mi hakusana kuba ni maswabi ni kutonga.+