Lisamu

 3 Musike mwasepa manduna*

Kamba kusepa mwanaa mutu, yasakoni kupilisa.+

 4 Moya wahae waazwa ku yena, yena ukutela mwa mubu;+

Ka lona lizazi leo, mihupulo yahae yafela.+

 5 Tabo ki ya mutu yatusiwa ki Mulimu wa Jakobo,+

Yasepile Jehova Mulimu wahae,+

 6 Muezi wa lihalimu ni lifasi,

Ni liwate, ni ze mwateñi kaufela,+

Yena yasepahala ka nako kaufela,+

 7 Yaatulela ka kuluka babaputelelwa,

Yafa babalapile lico.+

 8 Jehova uapula meeto a libofu;+

Jehova uinula baba­obami;+

Jehova ulata babalukile.

 9 Jehova usileleza bazwahule;

Utusa yasina ndatahe ni mbelwa,+

Kono upalelwisa milelo ya babamaswe.*+

10 Jehova ukaba Mulena kuya kuile,+

Mulimu wahao, wena Sione, ukaba Mulena kuzwa lusika loluñwi kuya ku loluñwi.