Lisamu

 2 Mulimu waka, nisepile wena;+

Usike wanituhelela kuswaba.+

 3 Kaniti hakuna mutu yakusepile yakaswaba,+

Kono babapuma kusina libaka ki bona babaka swaba.+

 4 Unizibise linzila zahao, wena Jehova;+

Unilute linzila zahao.+

 5 Unizamaise mwa niti yahao mi unilute,+

Kakuli ki wena Mulimu yanipilisa.

 6 Uhupule makeke ahao, wena Jehova, ni lilato lahao lelisa feli,+

Zeubonisize kamita.*+

Unihupule ka kuya ka lilato lahao lelisa feli,+

Kabakala bunde bwahao, wena Jehova.+

 9 Ukaetelela babaishuwa mwa nzila yelukile,*+

Mi ukaluta babaishuwa nzila yahae.+

10 Linzila kaufela za Jehova ki za lilato lelisa feli ni busepahali

Ku babamamela tumelelano yahae+ ni likupuliso zahae.+

11 Kabakala libizo lahao, wena Jehova,+

Uniswalele bufosi bwaka, nihaike kuli ki bobutuna.

13 Ukaikola zende,+

Mi babasimuluha ku yena* bakaluwa lifasi.+

14 Babasaba Jehova ki bona balikani bahae babatuna,+

Mi ubazibisa tumelelano yahae.+

15 Meeto aka atalimezi ku Jehova kamita,+

Kakuli ukakayutula mahutu aka mwa kanyandi.+

16 Unitalime mi unishemube,

Kakuli niinzi ninosi mi hakuna yanitusa.

17 Manyando a mwa pilu yaka aekezehile;+

Ufelise manyando aka.

18 Ubone manyando aka ni butata bonili ku bona,+

Mi uniswalele libi zaka kaufela.+

19 Ubone moliatezi lila zaka

Ni moli nitoyezi maswe.

21 Haike busepahali ni niti yaka linisileleze,+

Kakuli nisepile wena.+