Lu Ka Ituta Buka ya Tabo ya Lubasi

Mu ka taba ku ziba kuli ku kala ka viki ya october 6, 1997, lu ka ituta mwa buka ya Sinotolo kwa Tabo ya Lubasi kwa Tuto ya Buka ya Puteho. Ha ku na ya ka bata ku sa fumaneha kwa tuto ya sikwata ya litaelo zeo za mwa Mañolo ili ze sebeza kwa neku la bupilo bwa lubasi bwa tabo. Tomahanyo ya lituto i ka lumeleza tatubisiso ye tezi ya paragilafu ye ñwi ni ye ñwi ni liñolo la Bibele le li mwa buka.

Kauhanyo ya pili kaufela i ka nyakisiswa mwa viki ya pili ya tuto, kakuli i na ni mañolo a si ka amiwa a sikai. Ka libaka le li swana, kauhanyo 15 i ka nyakisiswa mwahal’a muitutelo u li muñwi. Kono, likauhanyo ze ñwi kaufela li ka abiwa mwa likalulo ze peli, ili ku nyakisisa ye bat’o ba licika la kauhanyo mwa viki ye ñwi ni ye ñwi. Kacwalo, ku ka ba ni nako ye likani ya ku bala ni ku buhisana mañolo a amilwe kaufela ni ku tatuba ka tokomelo ku sebeza kwa mañolo a amilwe kaufela mwa paragilafu ye ñwi ni ye ñwi.

Kalulo ya butokwa ya tuto ikaba puhisano ya litaba ze mwa kakwenda ka lundululo ka ka kwa mafelelezo a kauhanyo ye ñwi ni ye ñwi. Kacwalo, nako ye ñata i swanelwa ku itusiswa mwa ku nyakisisa lipuzo ni mañolo a bonisizwe ze mwa kakwenda.

Bazamaisi ba Tuto ya Buka ya Puteho ba susuezwa ku fa mamelelo ye ipitezi kwa ku itukiseza tuto kwa bona ni ku susueza ba ba li mwa sikwata sa bona kaufela, ku kopanyeleza ni ba banca, ku itukiseza hande, ku fumaneha teñi kamita ni ku abana.—om-SK 74-6.