Ze Lu Kona ku Bulela ka za Limagazini

Tora ya ku Libelela Sept. 15

“Bolule-lule ba lumela kuli ‘bahalalehi’ ba na ni m’ata a ipitezi ni kuli ku lapela ka bona kwa tusa. Mu nahana cwañi? [Mu litele kalabo.] Mu bone sa n’a bulezi Jesu Kreste. [Mu bale Joani 14:6.] Liñolo le, li tisezanga ba bañwi ku nahana kuli, kana ku lukile ku lapela ka ‘bahalalehi’? Tora ya ku Libelela ye i nyakisisa taba ya butokwa yeo.”

Tora ya ku Libelela Sept. 15

“Palo ya batu ba ba yanga kwa keleke i ekezehile mi ba li bulapeli ki bwa butokwa hahulu mwa bupilo bwa bona. Kono ba bañata ba kakanya za haiba tumelo i ama luli bupilo bwa batu ni bwa nyangela mutumbi. Mu nahana cwañi? [Mu litele kalabo] Lu lukela ku tokomela. (Mu bale 1 Joani 4:1) Magazini ye i talusa butokwa bwa ku latelela tuto ye lukile.”

Tora ya ku Libelela Oct. 1

“Ba bañata se ba buzize kuli, kana butata bo lu iponela kai ni kai—ili lindwa, bubangoki, ni bukebenga—bu ka fela muta o muñwi? Mu nahana cwañi? [Mu litele kalabo.] Bibele i fa sepiso ye ye tiisa pilu. [Mu bale Samu 37:10, 11.] Magazini ye i talusa libaka Mulimu ha si ka felisa bumaswe ni manyando e bu tahisa ku t’o fita nako ye.”

Tora ya ku Libelela Oct. 1

“Banana hañata ba ezanga lika ka nzila ye ba sa koni ku utwisisa bashemi ba bona. Ku bile cwalo haisali. Kono ku bonahala kuli banana ba kacenu ba fapana ni banana ba kwamulaho. Ha ba bonahali ku ba ni sepo ya za kwapili. Kana mwa ziba libaka banana ba bañata ha ba eza lika inge kuli ba latehile? Haiba mu bashemi ba ba na ni bana ba bahulunyana, kana mwa ziba mwa ku ba tuseza mwa linako ze t’ata ze? [Mu bale Samu 119:9] Magazini ye i na ni litaba ze tusa kwa banana.”