Lifasi Lamiza Nuka

Sina mone kubezi mwa lilimo zefelile, mibuso ya butu seitusize batu ba Jehova ka linako zeñwi. (Ezr 6:1-12; Est. 8:10-13) Mane nihaiba mwa linako zaluna, luboni ka mo “lifasi,” ili lipuso za butu za mwa linaha zeñwi zenani kutwisiso, limizelize “nuka” ya nyandiso yetahisizwe ki “drakoni,” yena Satani Diabulosi. (Sin. 12:16) Fokuñwi Jehova, yena “Mulimu yapilisa,” wakona kutahisa kuli lipuso za butu lishemube batu bahae.—Samu 68:20; Liprov. 21:1.

Kono kucwañi haiba mutamilwe kabakala tumelo yamina? Mube ni buikolwiso bwa kuli Jehova waziba muinelo wamina. (Gen. 39:21-23; Samu 105:17-20) Hape Jehova uka mifuyaula kabakala busepahali bwamina mi muzibe kuli buitiiso bwamina bususueza mizwale mwa lifasi kaufela.—Mafil. 1:12-14; Sin. 2:10.

MUBUHE VIDIO YA MIZWALE BA MWA KOREA BALUKULULWA MWA TOLONGO, KIHONA MUKAALABA LIPUZO ZELATELELA:

• Ki kabakalañi buñata bwa mizwale baluna hane batamilwe mwa South Korea ka lilimo zeñata?

• Ki likatulo mañi zeneezizwe ki kuta ili zenetahisize kuli mizwale babañwi balukululwe pili?

• Lukona kutusa cwañi mizwale baluna mwa lifasi kaufela babatamilwe kabakala tumelo yabona?

• Luswanela kuitusisa cwañi tukuluho yelunani yona cwale?

• Ki mañi luli yasweli kulutusa kuwina mizeko mwa likuta?