Lila Za Mulimu Ki Bafi?

Sila se situna sa Mulimu ki Satani Diabulosi. Satani ki sibupiwa sa moya se ne si fetuhezi Jehova. Satani u zwelapili ku lwanisa Mulimu mi u kataza maswe-maswe batu. Satani u situhu. Ki lihata ni mubulai.—Joani 8:44.

Libupiwa ze ñwi za moya ne li likanyisize Satani ka ku fetuhela Mulimu. Bibele i li libupiwa zeo ki badimona. Sina Satani, badimona ni bona ki lila za batu. Ba tabela ku utwisa batu butuku. (Mateu 9:32, 33; 12:22) Jehova u ka bulaelela Satani ni badimona ba hae. Nako ya bona ya ku toliya batu i ka tuha i fela.—Sinulo 12:12.

Haiba mu bata ku itama bulikani ni Mulimu, mu si ke mwa eza zeo Satani a bata kuli mu li eze. Satani ni badimona ba toile Jehova. Ki lila za Mulimu, mi ba bata ku mi ezisa kuli mu be lila za Mulimu. Mu lukela ku iketela ye mu bata ku tabisa—ki Satani kamba ki Jehova? Haiba mu bata bupilo bo bu sa feli, mu lukela ku iketela ku eza tato ya Mulimu. Satani u na ni mashakambila ni mikwa ye miñata ya ku kwasheka batu ka yona. U sweli ku puma-puma batu ba bañata.—Sinulo 12:9.