“Mu ba Tuse ‘ku Tiya Mwa Tumelo’”

Kwa tabisa ku bona mo Jehova a sweli ku fuyaulela musebezi wa ku kubukanyeza batu mwa kopano ya hae, silimo ni silimo ku kolobezwanga batu ba ba fitelela 250 000. (Deut. 28:2). Hañata bahasanyi ba ezanga kuli, muituti wa Bibele ha sa kolobezwa feela ki peto ba tuhela ku ituta ni yena kuli ba ise mamelelo ya bona kwa ku luta ba bañwi hape. Baituti ni bona ha se ba kolobelizwe ba batanga ku tuhela ku ituta kuli ba be ni nako ye ñata ya ku ya mwa bukombwa. Nihakulicwalo, ki kwa butokwa kuli isali feela kwa makalelo baituti ba Bibele ba be ni zibo ye likani ye ka ba tusa ku tiya mwa niti. Ba tokwa ku ‘toma mibisi’ ku Kreste ni “ku tiya mwa tumelo.” (Makol. 2:6, 7; 2 Tim. 3:12) Kamukwaocwalo, hamulaho wa ku kolobezwa, muituti wa Bibele u swanela ku zwelapili ku ituta ku fitela a feza buka ya Bibele I Lutañi? ni ya “Lilato la Mulimu”.—Mu bone Bukombwa bwa Mubuso bwa April 2011, fa likepe 2.