TUTO 19
Kana Lipaki za Jehova ki Bakreste ba Niti?
Ka kuba Lipaki za Jehova, lulumela kuli lu Bakreste ba niti luli. Libaka? Munyakisise kolizwa litaba zelulumela, libizo leli lukauhanya ku babañwi, ni molulatanela mwahalaa luna.
1. Lipaki za Jehova bazwisa kai litaba zebalumela?
Jesu naabulezi kuli: “Linzwi [la Mulimu] ki yona niti.” (Joani 17:17) Sina Jesu, Lipaki za Jehova balutanga litaba zezwelela mwa Linzwi la Mulimu. Halunyakisiseñi mutala wa mwa linako zaluna. Kwa mafelelezo a lilimo za ma 1800, sikwata sa Baituti ba Bibele nesikalile kunyakisisa ka tokomelo litaba za mwa Bibele. Litaba zene silumela sikwata seo nelizwa mwa Bibele, mi nesizwelangapili kuitusisa litaba zeo niha nelishutana ni lituto za bulapeli bobuñwi. Hape batu ba mwa sikwata seo nebatalusezanga babañwi zene basweli kuituta.a
2. Ki kabakalañi haluipiza kuli lu Lipaki za Jehova?
Jehova ubiza balapeli bahae kuli ki lipaki zahae kakuli babulelanga litaba za niti ka za hae. (Maheberu 11:4–12:1) Ka mutala, mwa linako za kwamulaho, Mulimu naabulelezi batu bahae kuli: “Mu lipaki zaka.” (Mubale Isaya 43:10.) Jesu ubizwa kuli ki “Paki Yasepahala.” (Sinulo 1:5) Kabakaleo, nelukalile kubizwa ka libizo la Lipaki za Jehova ka silimo sa 1931. Mi lutabile kubizwa ka libizo leo.
3. Lipaki za Jehova babonisa cwañi lilato sina Jesu?
Jesu naalata hahulu balutiwa bahae kuli mane naabaanga feela sina lubasi lwahae. (Mubale Mareka 3:35.) Ka nzila yeswana, Lipaki za Jehova ni bona baswalisani mwa lifasi kaufela sina lubasi lululuñwi. Kona libaka haluipizanga kuli mizwale ni likaizeli. (Filemoni 1, 2) Hape lulatelela taelo yeli: “Mulate kopano ya mizwale bamina kaufela.” (1 Pitrosi 2:17) Lipaki za Jehova babonisa kuli balatana mwa linzila zeñata. Ka mutala, batusanga mizwale ni likaizeli mwa lifasi kaufela babatahezwi ki likozi.
MUBATISISE
Muitute zeñata ka za litaba za kwamulaho za Lipaki za Jehova ni kunyakisisa bupaki bobubonisa kuli lu Bakreste ba niti.
Litaba zebalumela Bakreste ba niti lizwa mwa Bibele mi batalusezanga babañwi litaba zeo
4. Litaba zelulumela lizwa mwa Bibele
Jehova naabulezi kuli litaba za niti za mwa Bibele nelika patululwa. Mubale Daniele 12:4 ni litaluso ze kwatasi, mi kihona mukanyakisisa puzo yelatelela:
Ki nto mañi yeneka ‘ata’ mwahalaa batu ba Mulimu hane banze bazwelapili kunyakisisa litaba za mwa Bibele?
Munyakisise mo Charles Russell ni babañwi bane bali mwa sikwata sa Baituti ba Bibele, nebaitutelanga Linzwi la Mulimu. Mubuhe VIDIO, mi kihona mukanyakisisa puzo yelatelela.
Ka kuya ka ze muboni mwa vidio, Charles Russell ni baituti babañwi ba Bibele nebaitutanga cwañi Bibele?
Kana mwaziba?
Fokuñwi, lwacincanga moluutwisiseza litaba zeñwi za mwa Bibele. Libaka? Sina feela lizazi halikona kulutusa kubona hande lika, Mulimu ni yena ulufanga zibo kuli luutwisise Linzwi lahae. (Mubale Liproverbia 4:18.) Kacwalo, nihaike kuli litaba ze mwa Bibele halicinci, zibo yalufa Mulimu ilutusanga kucinca molu liutwisiseza.
5. Lupila ka kulumelelana ni libizo laluna
Ki kabakalañi hane lukalile kuitusisa libizo la Lipaki za Jehova? Mubuhe VIDIO, mi kihona mukanyakisisa puzo yelatelela.
Ki kabakalañi kuitusisa libizo la Lipaki za Jehova hakuswanela?
Ki kabakalañi Jehova haketile batu kuba lipaki zahae? Naaezize cwalo kuli bataluseze babañwi kuli ki yena feela Mulimu anosi wa niti, bakeñisa kuli batu babulezi litaba za buhata ka za hae. Halunyakisiseñi litaba zepeli za buhata zebabulelezwi batu ka za Mulimu.
Bulapeli bobuñwi bulutanga batu kuli Mulimu ubata kuli baitusise maswaniso kwa kumulapela. Nihakulicwalo, mubale Livitike 26:1, mi kihona mukanyakisisa lipuzo zelatelela:
Timana yeo ibonisañi? Jehova uikutwa cwañi ka za kuitusisa maswaniso kwa kumulapela?
Baeteleli babañwi ba bulapeli balutanga batu kuli Jesu ki Mulimu. Nihakulicwalo, mubale Joani 20:17, mi kihona mukanyakisisa lipuzo zelatelela:
Timana yeo ibonisañi? Kana Mulimu ni Jesu ki mutu alimuñwi?
Muikutwa cwañi kuziba kuli Jehova ufile lipaki zahae musebezi wa kukutaza niti ka za hae ni ka za Mwanaa hae?
6. Lwalatana
Bibele ibapanya Bakreste kwa lilama za mubili wa mutu. Mubale 1 Makorinte 12:25, 26, mi kihona mukanyakisisa lipuzo zelatelela:
Bakreste ba niti baswanela kuezañi hababona Bakreste babañwi inze banyanda?
Ki lika mañi zemulemuhile ka za mobalatanela Lipaki za Jehova?
Lipaki za Jehova babañwi habakopananga ni miinelo yetaata kwa sibaka sesiñwi, Lipaki babañwi mwa lifasi kaufela babatusanga. Kuli mubone mobaezezanga cwalo, mubuhe VIDIO. Mi kihona mukanyakisisa lipuzo zelatelela.
Lituso zebafanga Lipaki za Jehova kwa batu babatahezwi ki kozi, libonisa cwañi kuli banani lilato?
Bakreste ba niti batusanga babatokwa tuso
BABAÑWI BABULELANGA KULI: “Bulapeli bwa Lipaki za Jehova ki bobunca.”
Jehova ukalile kubiza lili balapeli bahae kuli Lipaki za Jehova?
LITABA KA BUKUSWANI
Lipaki za Jehova ki Bakreste ba niti. Luna Lipaki za Jehova lufumaneha kai ni kai mwa lifasi mi zelulumela lizwa mwa Bibele. Hape lutalusezanga babañwi litaba za niti ka za Jehova.
Mulundulule
Ki kabakalañi hane lukalile kuitusisa libizo la Lipaki za Jehova?
Lupilisana cwañi mwahalaa luna?
Kana munahana kuli Lipaki za Jehova ki Bakreste ba niti?
MUBONE LITABA ZEÑWI
Muitute zeñata ka za litaba zaluna za kwamulaho.
Lipaki za Jehova Babonisa Tumelo Yetuna, Kalulo 1: Kuzwa Mwa Lififi (1:00:53)
Munyakisise mutala obonisa mo Lipaki za Jehova baboniselize kuli litaba zebaluta ba bulapeli bobuñwi ki za buhata.
Mufumane likalabo kwa lipuzo zemunani zona ka za Lipaki za Jehova.
“Lipuzo Zebuziwanga Hañata ka za Lipaki za Jehova” (likepe la fa webusaiti)
Bo Stephen nebafumanehanga mwa tukwata twa batu ba mifilifili. Munyakisise zene baboni mwahalaa Lipaki za Jehova zenetahisize kuli bacince mupilelo wabona.
“Bupilo Bwaka Nebuzwelapili Kuba Bobumaswe ni Kufita” (Tawala ya Mulibeleli, July 1, 2015)
a Kuzwa feela ka silimo sa 1879, batu ba Jehova bazwezipili kuhatisa magazini ya Tawala ya Mulibeleli, ili yetalusa litaba za mwa Bibele.