TUTO 34
Lukona Kubonisa Cwañi Kuli Lwalata Jehova?
Kana mwazwelapili kulata Jehova hamunze muituta Bibele? Kana mwatabela kuzwelapili kutiisa silikani samina ni yena? Haiba mwatabela, muzibe kuli Jehova wabona buikatazo bomueza, mi uka mibabalela ni kumibonisa lilato. Kono mukona kubonisa cwañi kuli mwamulata?
1. Lukona kubonisa cwañi kuli lwalata Jehova?
Lwakona kubonisa cwalo halu muutwa. (Mubale 1 Joani 5:3.) Jehova hahapelezangi batu kuli bamuutwe. Kono ufile mañi ni mañi waluna kolo ya kuiketela kumuutwa kamba kusa muutwa. Ki kabakalañi haezize cwalo? Jehova ubata kuli lu muutwe “kuzwelela kwa pilu.” (Maroma 6: 17) Kacwalo, Jehova ubata kuli mumuutwe kabakala kuli mwamulata. Likalulo 3 ni 4 za buka ye, lika mitusa kuziba zemukona kueza kuli mubonise kuli mwalata Jehova ili kueza zalata ni kutoya zatoile.
2. Ki kabakalañi hakukona kulubela taata kueza lika zalata Jehova?
“Manyando a mutu yalukile ki amañata.” (Samu 34:19) Kaufelaa luna halusika petahala. Hape lukopananga ni butata bwa kutokwa masheleñi, kuatulwa ka kusaluka, ni miinelo yemiñwi yetaata. Fokuñwi haluli mwa miinelo yetaata, kukona kulubela taata kueza zabata Jehova. Mi ka linako zecwalo kukona kuba bunolo kusautwa Mulimu. Kono hamuka eza lika kaufela zabata Jehova, mukabonisa kuli mumulata hahulu kufita nto ifi kamba ifi. Mi nto yeo ikabonisa kuli mwasepahala ku yena. Mi ni yena uka milata hahulu mi haana kumiyubeka.—Mubale Samu 4:3.
MUBATISISE
Munyakisise libaka hamuswanela kusepahala ku Jehova, mi muitute zekona kumitusa kuzwelapili kusepahala ku yena.
3. Taba yemiama
Mwa buka ya mwa Bibele ya Jobo, Satani naatamelelize Jobo, ni luna kaufela kuli halukoni kusepahala ku Jehova. Mubale Jobo 1:1, 6–2:10, mi kihona mukanyakisisa lipuzo zelatelela:
Satani naabulelezi Jehova kuli Jobo naasepahala ka libaka mañi?—Mubone Jobo 1:9-11.
Satani utameleza batu kaufela lika mañi?—Mubone Jobo 2:4.
Mubale Jobo 27:5b, mi kihona mukanyakisisa puzo yelatelela:
Jobo naabonisize cwañi kuli naalata hahulu Jehova?
Jobo naabonisize kuli naalata Jehova hanaazwezipili kusepahala ku yena
Lubonisa kuli lwalata Jehova haluzwelapili kusepahala ku yena
4. Mutabise pilu ya Jehova
Mubale Liproverbia 27:11, mi kihona mukanyakisisa lipuzo zelatelela:
Jehova uikutwanga cwañi hamu muutwa ni kueza zelukile? Libaka?
5. Mwakona kusepahala ku Jehova
Kulata Jehova kutahisa kuli lutaluseze babañwi litaba zahae. Mi bakeñisa kuli lwasepahala ku yena, lutaluseza babañwi ka za hae niha kuli taata kueza cwalo. Mubuhe VIDIO, mi kihona mukanyakisisa lipuzo zelatelela.
Kana kumibelanga taata kutaluseza babañwi ka za Jehova?
Mwa vidio, ki lika mañi zenetusize bo Grayson kufelisa sabo yene banani yona?
Haiba lwalata zalata Jehova ni kutoya zatoile, kuka lubela bunolo kusepahala ku yena. Mubale Samu 97:10, mi kihona mukanyakisisa lipuzo zelatelela:
Ka kuya ka zemuitutile, ki lika mañi zalata Jehova? Mi ki lika mañi zatoile?
Ki lika mañi zemuswanela kueza kuli mulate zende ni kutoya zemaswe?
6. Haiba luutwa Jehova lukapila bupilo bobunde
Kuutwa Jehova kwatusa luli mwa bupilo. Mubale Isaya 48:17, 18, mi kihona mukanyakisisa lipuzo zelatelela:
Mubona cwañi, kana Jehova waziba lika zekona kulutusa mwa bupilo? Ki kabakalañi hamualaba cwalo?
Kuituta Bibele ni kuituta ka za Mulimu wa niti yena Jehova, kumitusize cwañi?
BABAÑWI BABULELANGA KULI: “Mulimu haana taba ni lika zenieza.”
Mukona kuitusisa liñolo mañi kuli mutuse mutu yacwalo kuutwisisa kuli zelueza likona kutabisa Jehova kamba kutokwa?
LITABA KA BUKUSWANI
Mwakona kubonisa kuli mwalata Jehova hamu muutwa ni kuzwelapili kusepahala ku yena kusina taba ni miinelo yetaata yemukona kukopana ni yona.
Mulundulule
Ki lika mañi zemuitutile kwa mutala wa Jobo?
Mukona kubonisa cwañi kuli mwalata Jehova?
Ki lika mai zeka mitusa kuzwelapili kusepahala ku Jehova?
MUBONE LITABA ZEÑWI
Munyakisise zemukona kueza kuli musepahale ku Jehova ni kwa puteho.
Muitute zeñata ka za litaba zeñwi zatamelelize batu Satani.
“Jobo Usepahala ku Mulimu” (The Bible—What Is Its Message? kalulo 6)
Munyakisise libaka nihaiba banana habaswanela kubonisa kuli balata Jehova.
Ki lika mañi zaswanela kueza yomunca kuli azwelepili kusepahala ku Mulimu balikani bahae niha bamulwanisa?
Zemukona Kueza Hamulwaniswa ki Batu Bemulikana ni Bona! (3:59)