10. (a) Ki taba mañi yende yenepolofitilwe ka za batu ba Mulimu kwa Ezekiele 37:7, 8? (b) Ki lika mañi mwendi zenetahisize kuli bahapiwa babasaba Mulimu babe ni tumelo hape?

¹⁰ Kwaikale, Jehova naapolofitile kuli batu bahae nebaka kutisezwa kwa bupilo. (Ezek. 37:7, 8) Ki lika mañi zeñwi zenetahisize kuli bahapiwa bane basaba Mulimu balumele kuli bupolofita bwa kukutiswa sinca kwa Isilaele nebuka talelezwa? Kubonahala kuli nto yeñwi yene bafile sepo, neli bupolofita bone bubulezwi ki bapolofita ba kwamulaho. Ka mutala, Isaya naapolofitile kuli babaka siyala, ili “peu yekenile,” nebaka kutela kwa naha yabona. (Isa. 6:13; Job 14:7-9) Kuzwa fo, bupolofita bobuñata bwanaañozi Ezekiele bobubulela za kukutiswa sinca, nebubatusize kuzwelapili kuba ni sepo. Hape kubonahala kuli sepo ya bahapiwa bao neitiisizwe hahulu bakeñisa kuli mwa Babilona nekunani baana babasepahala babacwale ka mupolofita Daniele, mi nebaiponezi muleneñi wa Babilona hausinyiwa ka 539 B.C.E.

¹² Hasamulaho, Charles T. Russell ni batu banaasebelisana ni bona hane bakalile kubeleka ka taata kuli bapatulule litaba za niti ze mwa Bibele, nekuswana inge kuli “misifa ni nama” nelikwahezi masapo. Magazini ya Zion’s Watch Tower ni lihatiso zeñwi, nelitusize batu ba lipilu zende kufumana niti ya mwa Bibele, ili yenetahisize kuli baswalisane ni batanga ba Mulimu babatozizwe. Kwa makalelo a lilimo za ma 1900, batu ba Mulimu babatozizwe nebasusuelizwe hahulu ki filimu ya “Photo-Drama of Creation” ni buka ya The Finished Mystery. Hamulahonyana wa fo, nako ya Mulimu yafita ya kuli batu bahae bakone “kuyema ka mahutu” abona. (Ezek. 37:10) Nto yeo neiezahalile lili mi neli ka mukwa ufi? Lika zeneezahalile mwa Babilona wa kwaikale zalutusa kualaba puzo yeo.

• 

  “Misifa ni nama”

  Charles T. Russell ni banaabelekisana ni bona nebapatuluzi litaba za niti za mwa Bibele