4. Lukona kuitutañi kwa taba ya sibaka sesifiwa sina nubu ku Jehova?

⁴ Luitutañi kwa taba ya sibaka sa nubu sesifiwa ku Jehova? Ka kubeya kwatuko pili sibaka sene sikafiwa sina nubu yeipitezi, mi hamulaho kona kuabela masika a Isilaele naha sina saanda, Jehova naatusize batu kulemuha kuli nebaswanela kuisa hahulu pilu pili kwa sibaka seo sene sifilwe sina nubu ku yena. (Ezek. 45:1) Kusina kukakanya, bahapiwa nebaitutile zeñata ka za lika zene baswanela kuunga kuba za butokwa mwa musebezi wa kuaba naha. Nebaswanela kuisa pilu kwa kulapela Jehova pili kufita nto ifi kamba ifi. Ka nzila yeswana, ni luna kacenu luisa hahulu pilu kwa lika zecwale ka kuituta Bibele, kufumanehanga kwa mikopano ya Sikreste, ni kukutaza taba yende ya Mubuso. Haiba lulikanyisa Jehova ka kuisa pilu kwa lika za butokwa, lukabonisa kuli sa butokwa hahulu mwa bupilo bwaluna ki kulapela Jehova.

Sibaka se hape sibizwa kuli “kalulo yekenile.” Kalulo ya fahalimu ki ya “Malivi.” “Ki nto yekenile.” Kalulo ya fahali ki “nubu yekenile ya baprisita.” Ki “sibaka sa mandu abona ni sibaka sesikenile sa tempele.”

EZEK. 45:1-5; 48:9-14