4. I kana ya ba tapi ya mufuta mañi ye n’e mizize Jonasi? Niteñi ki lifi ze likani ze lu tokwa ku ziba?

⁴ Ku cwañi ka za “tapi ye tuna” ye n’e mizize Jonasi? Ku bile ni linahanisezo ze ñata ka za kuli yona tapi yeo ne li ya mufuta mañi. Tapi ye bizwa sperm whale i kona ku miza mutu mutumbi. White shark ni yona i kona ku eza cwalo. Niteñi, Bibele ka bunolo i bulela kuli: “[Jehova, NW] a lumela tapi ye tuna ku t’o miza Jonasi.” (Jon. 1:17) Mufuta wa tapi ha u si ka tungunyunwa. Ha ku konwi ku zibahala ka ku ikolwisa kuli ne li sperm whale, white shark ye tuna, kamba sibupiwa se siñwi se si si ka taluswa sa mwa liwate.a Taba ya Bibele ya kuli ne li “tapi ye tuna” i na ni ze lu tokwa ku ziba.

 6. Jonasi u ipumana mwa muinelo mañi ni “tapi ye tuna”?

⁶ Ku miziwa ki “tapi ye tuna” (1:17–2:10). “Cwale [Jehova, NW] a lumela tapi ye tuna ku t’o miza Jonasi; Jonasi a y’o ina mwa mba ya tapi mazazi a malalu ni masihu a malalu.” (1:17) U lapela ka t’ata ku Jehova h’a li mwa mba ya tapi. Ku zwelela “mwahal’a sibaka sa ba ba shwile” u huweleza ku kupa tuso ni ku zibahaza kuli u ka lifa z’a itamile, kakuli “ku pilisa, ki kwa [Jehova, NW].” (2:2, 9) Ka taelo ya Jehova, tapi i tazeza Jonasi fa likamba.