2. Pitrosi n’a ngile muhato mañi kwa manzwi a Jesu ka za manyando a Hae a mwa nako ya kwapili, mi Jesu n’a alabile cwañi?

² Mazazi a Jesu s’a felile. Pitrosi, nihakulicwalo, u nyemiswa ki muhupulo o’ cwalo o’ bonahala ku ba wa ku iyakatwa hahulu litaba ze s’a tabisi. H’a koni ku lumela sisupo sa kuli Mesiya u ka bulaiwa luli. Kacwalo, Pitrosi u ba ni bundume bwa ku omanya Mulen’a hae. Ka ku susuezwa ki mulelo o munde, u bulela ka ku tokwa nahanisiso ya ka butungi kuli: “U ikutwele butuku, Mulena; ze cwalo li si ke za ku tahela.” Kono Jesu kapili-pili u hana sishemo se si s’a swaneli sa Pitrosi, ka mubonelo o’ tiile sina mutu mwa n’a ka pyateza toho ya noha ye na ni sifanu. “Zwa ku na, Satani, u sitataliso ku na; kakuli ha u utwi za Mulimu, konji za batu fela.”—Mateu 16:22, 23.

 3. (a) Pitrosi isi ka ku lela n’a ikezize cwañi ku ba mubuleli wa Satani? (b) Pitrosi n’a bile cwañi sitataliso mwa nzila ya ku ifana sitabelo?

³ Pitrosi ka ku s’a lela u ikezize ku ba mubuleli wa Satani. Kalabo ya Jesu ya kapili-pili ki ye puma taba sina fela mo ne i inezi ha n’a alabile Satani mwa lihalaupa. Kona k’o Diabulosi n’a likile ku tisa tiko ku Jesu ya bupilo bo bu bunolo, bulena bo bu si na manyando. (Mateu 4:1-10) Cwale Pitrosi u mu susueza ku ikutwela butuku. Jesu w’a ziba kuli yeo haki yona tato ya Ndat’ahe. Bupilo bwa hae bu lukela ku ba bwa ku ifana sitabelo, isiñi bwa ku ifana kwa ku itabisa. (Mateu 20:28) Pitrosi u fita fa ku ba sitataliso mwa nzila ye cwalo; mufelañeke wa hae o’ na ni mulelo o munde u fita fa ku ba lilaba.a Jesu, niteñi, w’a bona hande-nde kuli ha n’a ka ba ni muhupulo wa bupilo bo bu si bwa ku ifana sitabelo, n’a ka fita fa ku s’a fumana ku lumelelwa ki Mulimu ka ku swasiwa mwa ku ngongwela ko ku tisa lifu kwa lilaba la Satani.

 4. Ki kabakalañi bupilo bwa mbombolelwa ya ku ifana ku z’a bata mutu ha ne bu s’a batiwi ki Jesu ni balateleli ba hae?

⁴ Kacwalo, munahano wa Pitrosi ne u tokwa ku sikululwa. Manzwi a hae ku Jesu n’a li a mubonelo wa mutu, isiñi wa Mulimu. Bupilo bwa mbombolelwa ya ku ifana ku z’a bata mutu, bwa ku banduka kwa manyando ka nzila ye bunolo, ne bu s’a batiwi ki Jesu; mi hape bupilo bo bu cwalo n’a s’a bu bateli ni balateleli ba hae, kakuli ka ku tatama seo Jesu u bulela ku Pitrosi ni balutiwa kaufela kuli: “Mutu h’a lata ku ni latelela, u na ni ku itoboha, a lwale kota ya hae ya linyando, mi a ni siale mwamulaho.”—Mateu 16:24.