• Mu Ka Suhana mwa Pilisa Mwanahenu
    Tora—1999 | November 1

    •  5, 6. Litaba ze zamaelela ni Mateu 18:15 li ama libi za mufuta mañi, mi kiñi se si bonisa cwalo?

      5 Kono kelezo ya Jesu i ama litaba ze tuna ku fita zeo. Jesu n’a ize: “Mwanahenu h’a ezize kezo ya sibi.” Ka nañungelele, “kezo ya sibi” i kona ku ba foso kamba mulatu ufi ni ufi. (Jobo 2:10; Liproverbia 21:4; Jakobo 4:17) Nihakulicwalo, taba ye taluswa fa i akaleza kuli Jesu n’a talusa sibi se situna. Ne li sibi se si eza kuli mane ne si kona ku tisa kuli sifosi a’ ngiwe ku ba “sina muhedeni kamba mutelisi.” Pulelo yeo i talusañi?

      6 Balutiwa ba Jesu be ne ba mu teeleza a bulela cwalo ne ba ziba kuli bahabo bona ne ba sa ezi sango ni balicaba. (Joani 4:9; 18:28; Likezo 10:28) Mi kaniti ne ba timboka batelisi, ili batu be ne ba li Majuda ili bao ne ba bile batu ba ba nyandisa ba bañwi. Kacwalo, ku bulela fela niti, Mateu 18:15-17 i talusa libi ze tuna, isi ku nyemisana kamba ku utwisana butuku ko mu kona ku swalela ni ku libala fela.—Mateu 18:21, 22.a

  • Mu Ka Suhana mwa Pilisa Mwanahenu
    Tora—1999 | November 1

    • a Hatiso ya Cyclopedia ya bo McClintock ni Strong i li: “Batelisi ba ba bulezwi mwa Testamente ye Nca ne ba ngiwa ku ba babeteki ili bakwenuheli, be ne ba silafezi kabakala ku eza sango kamita ni mahedeni, ili be ne ba ituhelezi ku swala-swaliwa fa meto ki baswenyi. Ne ba balelwa kwa baezalibi . . . Ka ku timbokiwa cwalo, be ne ba pila bupilo bo bunde ne ba sa ezi sango ni bona, balikani kamba be ne ba utwana ni bona ne li fela bahaniwa inge bona.”