• Lukona Kulapela Cwañi Mulimu ka Nzila Yemutabisa?
    Muikole Bupilo Kuya Kuile!—Muitute Bibele

    • 1. Lukona kufumana kai litaba zeka lutusa kulapela Mulimu?

      Luswanela kulapela Mulimu ka kulatelela ze mwa Bibele. Jesu naabulelezi Mulimu kuli: “Linzwi lahao ki yona niti.” (Joani 17:17) Bulapeli bobuñwi habuluti litaba za niti ze mwa Linzwi la Mulimu leliñozwi ka kususumezwa ki moya wahae, yona Bibele. Buluta litaba za kuikupulela ni lizo za batu. Kono Jehova hatabiswi ki batu ‘babakeshebisa mulao wahae.’ (Mubale Mareka 7:9.) Haiba luzwelapili kulatelela ze mwa Bibele, lukatabisa Jehova.

  • Kana Lipaki za Jehova ki Bakreste ba Niti?
    Muikole Bupilo Kuya Kuile!—Muitute Bibele

    • 1. Lipaki za Jehova bazwisa kai litaba zebalumela?

      Jesu naabulezi kuli: “Linzwi [la Mulimu] ki yona niti.” (Joani 17:17) Sina Jesu, Lipaki za Jehova balutanga litaba zezwelela mwa Linzwi la Mulimu. Halunyakisiseñi mutala wa mwa linako zaluna. Kwa mafelelezo a lilimo za ma 1800, sikwata sa Baituti ba Bibele nesikalile kunyakisisa ka tokomelo litaba za mwa Bibele. Litaba zene silumela sikwata seo nelizwa mwa Bibele, mi nesizwelangapili kuitusisa litaba zeo niha nelishutana ni lituto za bulapeli bobuñwi. Hape batu ba mwa sikwata seo nebatalusezanga babañwi zene basweli kuituta.a