SIFALANA SA FA INTANETI sa Watchtower

“Lulukela Kuutwa Mulimu Sina Mubusi”

‘Kupaka ka Kutala’ za Mubuso wa Mulimu
- Sina baapositola, ni luna lukutaza “fa ndu ni ndu”
  
  16. Baapositola nebabonisize cwañi kuli nebaikatulezi kufa bupaki bobutezi, mi lukona kulikanyisa cwañi mutala wa mone bakutalezanga?
  
  ¹⁶ Baapositola nebakalisize musebezi wa kukutaza honafo feela. Basasabi sesiñwi, bazwelapili “zazi ni zazi mwa tempele ni fa ndu ni ndu” banze baeza musebezi wa “kushaela taba yende ya Kreste.”d (Lik. 5:42) Bakutazi babatukufalezwi bao nebaikatulezi kufa bupaki ka kutala. Mulemuhe kuli nebaisize lushango lwa taba yende fa mandu a batu, kulikana ni mwanaa balaelezi Jesu Kreste. (Mat. 10:7, 11-14) Kusina kukakanya, yeo ki yona nzila yene bakonile ka yona kutaza Jerusalema ka tuto yabona. Lipaki za Jehova kacenu bazibahala ka kulatelela mutala wa mone bakutalezanga baapositola. Ka kupota fa ndu ni ndu mwa kalulo yaluna ya simu, lubonisa hande fokusweu kuli ni luna lubata kufa bupaki bobutezi, ili kufa mañi ni mañi kolo ya kuutwa taba yende. Kana Jehova ufuyauzi bukombwa bwaluna bwa fa ndu ni ndu? Kucwalo luli! Babañata baamuhezi lushango lwa Mubuso mwa linako za mafelelezo ze, mi buñata bwabona nebautwile taba yende lwapili muta bapotelwa ki Paki fa ndu yabona.
  
  KUKUTAZA “FA NDU NI NDU”
  
  Kuta ya Sanhedrini niha neikwalile musebezi wabona wa kukutaza, balutiwa bazwelapili kukutaza ni kuluta batu “zazi ni zazi mwa tempele ni fa ndu ni ndu.” (Lik 5:42) Pulelo ya “fa ndu ni ndu” italusañi luli?
  
  Mwa Sigerike mokuzwa manzwi ao, pulelo ya katʼ oiʹkon italusa “kuya ka ndu.” Batoloki babañata babulela kuli linzwi la ka·taʹ le liswanela kuungiwa ka kutwisiso ya “kuhasanya,” litalusa kuli balutiwa nebakutazanga kuzwa fa ndu yeñwi kuya ku yeñwi. Muitusisezo oswana wa linzwi la ka·taʹ ufumaneha kwa Luka 8:1, ili ko Jesu ubulelwa kuli naakutalize mwa “muleneñi ni muleneñi ni kuya mwa munzi ni munzi.”
  
  Muñolelo wa mwa buñata wa linzwi leo, wa katʼ oiʹkous, uitusisizwe kwa Likezo 20:20. Kwa liñolo leo, muapositola Paulusi naabulelezi baokameli ba Sikreste kuli: “Nenisika palelwa . . . kumiluta fapilaa nyangela ni fa ndu ni ndu.” Bupaki bobubonisa kuli Paulusi naasatalusi kuluta batu mwa mandu a baana-bahulu, sina mobaakaleleza babañwi, bu mwa timana yetatama, yeli: “Kono nenipakile ka kutala kwa Majuda ni kwa Magerike kuli babake ni kusikuluhela ku Mulimu ni kuli babonise tumelo ku Mulenaa luna Jesu.” (Lik. 20:21) Bakreste ka yena nese babakile kale ni kulumela ku Jesu. Ka mukwa ocwalo, kwaiponahaza hande kuli kukutaza ni kuluta fa ndu ni ndu nekutalusa kufa bupaki kwa batu babasi balumeli.

“Lulukela Kuutwa Mulimu Sina Mubusi”

‘Kupaka ka Kutala’ za Mubuso wa Mulimu
- Mwa Sigerike mokuzwa manzwi ao, pulelo ya katʼ oiʹkon italusa “kuya ka ndu.” Batoloki babañata babulela kuli linzwi la ka·taʹ le liswanela kuungiwa ka kutwisiso ya “kuhasanya,” litalusa kuli balutiwa nebakutazanga kuzwa fa ndu yeñwi kuya ku yeñwi. Muitusisezo oswana wa linzwi la ka·taʹ ufumaneha kwa Luka 8:1, ili ko Jesu ubulelwa kuli naakutalize mwa “muleneñi ni muleneñi ni kuya mwa munzi ni munzi.”
  
  Muñolelo wa mwa buñata wa linzwi leo, wa katʼ oiʹkous, uitusisizwe kwa Likezo 20:20. Kwa liñolo leo, muapositola Paulusi naabulelezi baokameli ba Sikreste kuli: “Nenisika palelwa . . . kumiluta fapilaa nyangela ni fa ndu ni ndu.” Bupaki bobubonisa kuli Paulusi naasatalusi kuluta batu mwa mandu a baana-bahulu, sina mobaakaleleza babañwi, bu mwa timana yetatama, yeli: “Kono nenipakile ka kutala kwa Majuda ni kwa Magerike kuli babake ni kusikuluhela ku Mulimu ni kuli babonise tumelo ku Mulenaa luna Jesu.” (Lik. 20:21) Bakreste ka yena nese babakile kale ni kulumela ku Jesu. Ka mukwa ocwalo, kwaiponahaza hande kuli kukutaza ni kuluta fa ndu ni ndu nekutalusa kufa bupaki kwa batu babasi balumeli.