10. Bakreste ba swanela ku nga cwañi ku kutisa bumaswe ka bumaswe?

¹⁰ Ze ne ba ezize bo Simioni ni Livi ni ze ne ezahezi mwahalaa Davida ni Abigaili li bonisa hande kuli Jehova u hanyeza ba ba sa tibeli buhali bwa bona ni ba lindwa ni kuli u fuyola ba ba ikataza ku tahisa kozo. Muapositola Paulusi naa ñozi kuli: “Ha ku konahala, mi haili ka mina, mu pilisane mwa kozo ni batu kaufela. Balatiwa, mu si ke mwa kutisa bumaswe ili mina, kono mu fe buhali sibaka; kakuli ku ñozwi kuli: Ku likanyisa ki kwa ka, ki Na ni ka kutisa, ku bulela Mulena. Cwale, ya ku toile ha lapile, u mu fe lico; ha shwile linyolwa u mu nwise; kakuli ha u eza cwalo u ka kubukanya mashala a tuka fa toho ya hae. U si ke wa tulwa ki bumaswe, kono u tule bumaswe ka bunde.”—Maro. 12:18-21.a