“Sepo ya luna i tiile; lu nze lu ziba kuli sina ha mu abelwa ku ze utwisa butuku, hape mu abelwa ni ku ze tiisa pilu.” —2 MAKORINTE 1:7.

 4. Ki ka linzila lifi ze fitana-fitana zeo ba ba sa z’o tabela ne ba kana ba ngela ka zona muhato kwa ñalelwa?

⁴ Ka bumai, sina ka mwa n’a bulelezi cimo Jesu, ñalelwa i sitatalisa ba bañwi ni ku ba tuhelisa ku swalisana ni puteho ya Sikreste. (Mateu 13:5, 6, 20, 21) Ba bañwi ba itiisa mwa ñalelwa ka ku toma minahano ya bona fa lisepiso ze omba-omba ze ba sweli ku ituta. Kwa nalulelule ba neela bupilo bwa bona ku Jehova ni ku kolobezwa sina balutiwa ba Mwan’a hae, Jesu Kreste. (Mateu 28:19, 20; Mareka 8:34) Ka mo ku inezi fela, ñalelwa ha i feli muta Mukreste a kolobezwa. Sina ka mutala, ku ipuluka a kenile ku kona ku ba ndwa ye t’ata ku mutu ya n’a na ni muzamao o maswe. Ba bañwi ba na ni ku mangana ni twaniso ya kamita ye zwelela kwa lilama ba lubasi ba ba si balumeli. Ñalelwa ibe ifi kamba ifi, kaufela ba ba ndongwama ka busepahali bupilo bwa buineelo ku Mulimu ba kona ku ikolwisa ka za nto i liñwi. Ka nzila ya ka butu luli, ba ka omba-ombiwa ni ku tusiwa ki Mulimu.