Ki Kabakalañi Hamuunga Bulapeli Bobukenile Kuba Bwa Butokwa?

Majuda bane bahapilwe nebasusuelizwe hahulu ki pono ya kwa tempele yanaaboni Ezekiele, bakeñisa kuli pono yeo neibafile sepo ya kuli bulapeli bobukenile nebukazwelapili hape. Mwa mazazi a mafelelezo a, bulapeli bobukenile ‘butomilwe ka kutiya fahalimwaa malundu,’ ni luna lubabañwi ba batu bao babazwa mwa macaba kaufela ili babatile mwa bulapeli bo. (Isa. 2:2) Kana ni mina mwanahanisisanga za tohonolo yemunani yona ya kuziba Jehova ni kumusebeleza?

• 

  Lico za kwa moya zeñata lilutusa kufumana likalabo kwa lipuzo za butokwa mwa bupilo, likuka zelutusa kuziba mwakupilela, ni kulufa sepo yekolwisa ya za kwapili.—Isa. 48:17, 18; 65:13; Maro. 15:4

• Kuba mwahalaa mizwale ni likaizeli babanani lilato mwa lifasi kaufela.—Samu 133:1; Joa. 13:35

• Kuba ni tohonolo ya kusebeza hamoho ni Mulimu mwa musebezi omunde.—Lik. 20:35; 1 Makor. 3:9

• “Kozo ya Mulimu” ilutusa kuitiisa haluli mwa miinelo yetaata.—Mafil. 4:6, 7

• Kuba ni lizwalo lelikenile.—2 Tim. 1:3

• ‘Kuba balikani ba Jehova babatuna.’—Samu 25:14

Ki mwa linzila mañi monikona kubonisa kuli niinga bulapeli bobukenile kuba bwa butokwa?