Kana Niitukiselize?
Kana Niitukiselize Kukutaza ni Puteho?
Mwakona kuba muhasanyi yasika kolobezwa haiba . . .
Mwaitutanga Bibele nako ni nako, mwalapelanga, ni kufumaneha kwa mikopano ya puteho.
Mwaitebuha ni kulumela zemuituta mi mubata kulitaluseza babañwi.
Mwalata Jehova mi muketa kuba ni balikani babamulata.
Mutuhezi kuswalisana ni kopano ya lipolitiki kamba bulapeli bwa buhata.
Mupila ka kulatelela likuka za Jehova za muzamao mi mubata kuba yomuñwi wa Lipaki za Jehova.
Haiba muikutwa kuli muitukiselize kukutaza ni puteho, mutu yaitutanga ni mina Bibele wakona kulukisa kuli mubonane ni baana-bahulu mwa puteho ilikuli banyakisise ni mina litaba zeñwi zeka mitusa kuba muhasanyi.
Kana Niitukiselize Kukolobezwa?
Mwakona kubonisa kuli muitukiselize kukolobezwa haiba . . .
Mu bahasanyi babasika kolobezwa.
Muezanga momukonela kaufela kukutaza taba yende.
Mwautwa ni kulatelela litaelo zafa “mutanga yasepahala yanani kutwisiso.”—Mateu 24:45-47.
Muineezi ku Jehova mwa tapelo mi mubata kumusebeleza kuya kuile.
Haiba muikutwa kuli muitukiselize kukolobezwa, mutu yaitutanga ni mina Bibele ukalukisa kuli mubonane ni baana-bahulu mwa puteho ilikuli banyakisise ni mina litaba zeñwi zeka mikonisa kukolobezwa.