Ezekyele

43 Penepo wauñendeja ku kibelo kitadidile kutunduka.+ 2 Namona’ko ntumbo ya Leza wa Isalela itamba kutunduka,+ diwi dyandi dyadi pamo bwa lunwa lwa mema atūta;+ kadi ntanda yadi mimunikilwe na ntumbo yandi.+ 3 Kyokya kyonamwene kyadi pamo bwa kimonwa kyonamwene ponaile* kusala kibundi, kadi kyadi kimweka pamo bwa kyokya kyonamwene kubwipi na munonga wa Kebale;+ ebiya napona mpala yami pa nshi.

4 Penepo ntumbo ya Yehova yatwela mu tempelo* pa kibelo kitadidile kutunduka.+ 5 Ebiya mushipiditu wauntekuna, wauntweja mu kipango kya munda, kadi namona tempelo yayula ntumbo ya Yehova.+ 6 Penepo naivwana muntu wisamba nami aye mu tempelo, kadi muntu’wa waiya waimana kubwipi nami.+ 7 Waunena’mba:

“Mwanā muntu, kino kyo kifuko kya lupona+ lwami ne kifuko kya binyantyilo bya maulu ami,+ monkashikata mu bukata mwa bantu ba Isalela nyeke.+ Njibo ya Isalela keikasubijapo monka dijina dyami dijila,+ abo ne balopwe babo, na busekese bwabo bwa ku mushipiditu ne na imbidi mifwe ya balopwe babo pa kufwa kwabo. 8 Abo pa kutūla lukala lwabo lwa pa kibelo kubwipi na lukala lwami lwa pa kibelo ne ñunji yabo nayo kubwipi na ñunji yami, na lubumbu’tu pa bukata bwami ne abo,+ basubije dijina dyami dijila na bintu bya munyanji byobalongele, penepo nebakubija na bulobo bwami.+ 9 Shi ke pano bafundule kondi busekese bwabo bwa ku mushipiditu ne imbidi mifwe ya balopwe babo, nami nkekala mu bukata mwabo nyeke.+

10 “Ino abe, a mwanā muntu, lombola njibo ya Isalela+ mwikadile tempelo, amba bakafwe bumvu pa mwanda wa bilubo byabo,+ kadi befunde bupunga* bwayo. 11 Shi abafu bumvu mwanda wa bintu byonso byobalonga, ukebalombola kifwatulo kya tempelo, moikadile, pa kutambila ne bibelo byayo.+ Wibalombole bifwatulo byayo byonso ne bitungo byayo, bifwatulo byayo ne bijila byayo, wibilembe ku meso abo, amba batale kifwatulo kyayo kyonso ne kulonda bitungo byayo.+ 12 Kino’ki kyo kijila kya tempelo. Kipindi kyonso kijokolokele nsongo ya lūlu i kijila nakampata.+ Tala! Kino kyo kijila kya tempelo.

13 “Buno’bu bo bula bwa maboko bwapiminwe kisōkelo+ (ku kuboko ne kuboko kwadi kubwejibwe bunkimbwa bwa dikasa).* Kitako kyakyo kidi na kuboko kumo, kidi ne na kuboko kumo mu bunkimbwa. Kidi na mombololo kufulakufula kwa mulomo ya bula bwa dikasa dimo* mu bunkimbwa. Kino’ki kyo kitako kya kisōkelo. 14 Tamba ku kitako panshi kutūla ku mulomo wa kunshi ujokolokele, padi maboko abidi, ne kuboko kumo mu bunkimbwa. Tamba ku mulomo mutyetye ujokolokele kutūla ku mulomo mukatampe ujokolokele padi maboko aná, kadi udi na kuboko kumo mu bunkimbwa. 15 Kyoto kya kisōkelo kidi na maboko aná mu bwimwa, kadi kūlu kwa kyoto kya kisōkelo kudi masengo aná.+ 16 Kyoto kya kisōkelo kidi na mitamba iná ya bula bumo, maboko 12 mu bula ne maboko 12 mu bunkimbwa.+ 17 Mitamba iná ya milomo ijokolokele idi na maboko 14 mu bula ne maboko 14 mu bunkimbwa; kadi mombololo ijokolokele i kipindi kya kuboko, kitako kyakyo kidi na kuboko kumo mitamba yonso.

“Kadi matabula akyo atadidile kutunduka.”

18 Penepo waunena’mba, “Mwanā muntu, Mfumu Mwinē Lupusa Lonso Yehova wanena namino amba: ‘Buno bo bulombodi bwa kulonda shi kisōkelo kibalongwa, amba byamulambu bisōkwe bituntulu bilambulwe kadi kukuswe ne mashi.’+

19 “‘Ukapa babitobo bene Levi ba ku lutundu lwa Zadoki+ ñombe mulume mwana wa mu luombe bu kyamulambu kya bubi,+ abo bafwenanga kondi mwanda wa kuñingidila,’ i Mfumu Mwinē Lupusa Lonso Yehova unena. 20 ‘Ukayata’ko mashi andi amo ne kwiashinga ku masengo aná a kisōkelo, ne ku mafinko aná a milomo ijokolokele, ne ku mombololo ijokolokele, mwanda wa kwikitōkeja ku bubi ne kwikipūtyila bubi.+ 21 Ebiya ukayata ñombe mulume mwana, kyamulambu kya bubi, mwanda wa kwikisōka pa kifuko kya tempelo kitongelwe, panja pa kipandulwe.+ 22 Mu difuku dya bubidi, ukalambula mbuji mulume wampikwa bulema bu kyamulambu kya bubi; kadi bakatōkeja kisōkelo ku bubi monka mobatōkejeje’kyo ku bubi na ñombe mulume mwana.’

23 “‘Shi ubapu kwikitōkeja ku bubi, ukalambula ñombe mulume mwana wampikwa bulema wa mu luombe ne mukōko mulume wampikwa bulema wa mu luombe. 24 Ukebileta kudi Yehova, babitobo nabo bakatūta’po mwepo+ ne kwibilambula kudi Yehova bu kyamulambu kisōkwe kituntulu. 25 Mafuku asamba-abidi, ukalambula mbuji mulume bu kyamulambu kya bubi kya difuku ne difuku,+ pamo ne ñombe mulume mwana wa mu luombe ne mukōko mulume wa mu luombe; ukalambula banyema bampikwa kakoba.* 26 Mafuku asamba-abidi, bakapūtyila kisōkelo bubi, kadi bafwaninwe kwikisubula ne kwanza kwikingidija. 27 Shi mafuku abapu, mu difuku dya mwānda+ ne alonda’ko, babitobo bakalambula byamulambu byenu* bisōkwe bituntulu ne bitapwa bya kipwano pa kisōkelo; nami nkemusangela,’+ i Mfumu Mwinē Lupusa Lonso Yehova unena.”