Ñimbo ya Mitōto

2 Mwanda waka mizo ibalobe bulobo

Ne bantu nabo beuninga* kintu kya bituputupu?+

 2 Balopwe ba ntanda abaimana midindi ibidi

Ne baledi abaungwila* bwa muntu umo+

Kulwa na Yehova ne na mushingwe māni wandi.*+

 3 Kebanena’mba: “Tuketei nkano yabo

Kadi twelei myonji yabo kulampe!”

 4 Yewa ushikete pa lupona mūlu ukasepa;

Yehova ukebapunika.

 5 Mu kine kitatyi’kya ukesamba nabo na bulobo

Kadi ukebatuyula na bulobo bwandi budyendyemuka,

 6 Amba: “Nabikika mulopwe wami+

Pa Ziona,+ lūlu lwami lujila.”

 7 Ndekei nsapule mbila ya Yehova;

Waunenene amba: “Abe wi wami mwana;+

Dyalelo’di nakubutula.+

 8 Nombe, nami nkakupa mizo ke bupyani bobe

Ne ntanda yonso nayo ke kintu kyobe.+

 9 Ukebalalakanya na nkonto wa kyuma,+

Kadi ukebapondakanya pamo bwa kininga.”+

10 Shi ke pano, banwe balopwe, jingululai myanda;

Banwe batyibi ba ntanda nenu itabijai kōlolwa.*

11 Ingidilai Yehova na moyo,

Kadi sangalai ne luzakalo ponka.

12 Lēmekai* mwana,+ kutyina’mba Leza* wakafītwa,

Nabya mukafwila mwishinda,+

Mwanda bulobo bwandi bwakanga bukidibukidi.