Bene Levi

16 Yehova wesamba na Mosesa papo bana ba Alone babidi ke bafwe mwanda wa kufwena kobafwenene kudi Yehova.+ 2 Yehova wanena Mosesa amba: “Lombola Alone mwanenu amba kabwanyapo kutwela kitatyi kyo-kyonso mu kifuko kijila+ munda mwa mpashila,+ kumeso kwa mpūto idi pa sanduku kutyina wakafwa,+ mwanda nkamweka pa mpūto+ mu dikumbi.+

3 “Bino’bi byo bikasela Alone shi katwela mu kifuko kijila: ñombe mulume mwana wa kyamulambu kya bubi+ ne mukōko mulume wa kyamulambu kisōkwe.+ 4 Ufwaninwe kuvwala munkukumba ujila wa bukonge,+ kadi tuputula*+ twa bukonge tufwaninwe kufya ngitu yandi,* ufwaninwe kwikuta lukuka+ lwa bukonge ne kwikuta kivwalwa kya ku mutwe+ kya bukonge ku mutwe wandi. I bivwalwa bijila.+ Ukoya mema+ wavwala’byo.

5 “Ukayata ku kitango kya bene Isalela+ bambuji babidi balume bana ba kyamulambu kya bubi ne mukōko mulume umo wa kyamulambu kisōkwe.

6 “Penepo Alone ukaleta ñombe wa kyamulambu kya bubi, kyandi aye mwine, kadi ukapūta bubi bwandi+ ne bwa yandi njibo.

7 “Ebiya ukayata bambuji babidi webemika ku meso a Yehova pa kibelo kya pema wa kubungakena’ko. 8 Alone ukata bubale pa bambuji babidi’ba, bubale bumo bwa Yehova bubale bukwabo nabo bwa Azazele.* 9 Alone ukaleta mbuji utongelwe na bubale+ bwa Yehova ne kumulambula bu kyamulambu kya bubi. 10 Ino mbuji utongelwe na bubale bwa Azazele ukaselelwa mūmi ku meso a Yehova mwanda wa kupūtyila’po bubi, amba alekelelwe mu ntanda mutuputupu mwanda wa Azazele.+

11 “Alone ukaleta ñombe wa kyamulambu kya bubi, kyandi aye mwine, ukapūta bubi bwandi ne bwa yandi njibo; kupwa ukatapa ñombe wa kyamulambu kya bubi, kyandi aye mwine.+

12 “Penepo ukayata kininga kya mudilo+ kiyule’mo makala a mudilo a pa kisōkelo+ ku meso a Yehova ne mikono ibidi ya ensense+ ya mananshi mayampe ne kutwela nabyo munda mwa mpashila.+ 13 Kadi ukela ensense pa mudilo ku meso a Yehova,+ dilenga dya ensense dikapūta mpūto ya Sanduku,+ idi pa Bukamoni,+ kutyina’mba wakafwa.

14 “Ukayata mashi+ amo a ñombe’wa ne kwiakusa na munwe wandi kumeso kwa mpūto ku mutamba wa kutunduka, ukakusa mashi amo na munwe wandi misunsa isamba-ibidi kumeso kwa mpūto.+

15 “Kupwa ukatapa mbuji wa kyamulambu kya bubi, kya bantu,+ kadi ukaselela mashi akyo munda mwa mpashila+ ne kulonga na mashi’a+ monka mwaalongelanga na mashi a ñombe; ukeakusa dya ku mpūto ne kumeso kwa mpūto.

16 “Ufwaninwe kupūta bubi bwa kifuko kijila mwanda wa bilongwa bya disubi bya bene Isalela, ne mwanda wa kujilula ne bubi bwabo,+ kadi ye byafwaninwe kulongela ne pema wa kubungakena’ko, udi mu bukata mwabo mu bilongwa byabo bya disubi.

17 “Kekwakekala muntu nansha umo mu pema wa kubungakena’ko tamba kitatyi kyatwela kupūta bubi mu kifuko kijila kufika ne byatamba’mo. Ukapūta bubi bwandi aye mwine ne bwa yandi njibo+ ne bwa kipwilo kyonso kya Isalela.+

18 “Penepa ukatamba kaenda ku kisōkelo,+ kidi ku meso a Yehova, ne kwikipūtyila bubi, kadi ukayata mashi amo a ñombe ne mashi amo a mbuji waela’o pa masengo a kisōkelo ku mitamba yonso. 19 Kadi ukakusa’po mashi amo na munwe wandi misunsa isamba-ibidi, kwikisubula ne kwikipandula ku bilongwa bya disubi bya bene Isalela.

20 “Shi wapu kupūta bubi+ bwa kifuko kijila, ne bwa pema wa kubungakena’ko ne bwa kisōkelo,+ ukaleta ne mbuji mūmi.+ 21 Alone ukatenteka maboko andi onso abidi pa mutwe wa mbuji mūmi ne kusapwila’po bilubo byonso bya bene Isalela ne kujilula kwabo konso ne bubi bwabo bonso, kadi ukebitwika pa mutwe wa mbuji’wa+ ne kumulekelela mu ntanda mutuputupu ku kuboko kwa muntu utongelwe kukamulekelela.* 22 Mbuji’wa ukaselela bilubo byabo+ byonso mu ntanda mutuputupu,+ kadi nandi ukalekelela mbuji’wa mu ntanda mutuputupu.+

23 “Penepo Alone ukatwela mu pema wa kubungakena’ko ne kuvūla bivwalwa bya bukonge byaadi uvwele paatwelanga mu kifuko kijila, ukebishiya’mo. 24 Ufwaninwe koya mema+ mu kifuko kijila ne kuvwala bivwalwa byandi,+ ebiya ukatamba kulambula kyamulambu kyandi kisōkwe+ ne kyamulambu kisōkwe+ kya bantu ne kupūta bubi bwandi ne bwa bantu.+ 25 Ukasōka māni a kyamulambu kya bubi pa kisōkelo.

26 “Yewa muntu ulekelela mbuji wa Azazele+ ufwaninwe kukenda bivwalwa byandi ne koya mema, kupwa ubwanya kutwela mu nkambi.

27 “Kadi ñombe wa kyamulambu kya bubi ne mbuji wa kyamulambu kya bubi, benē mashi atwejibwe mu kifuko kijila mwanda wa kupūta bubi, bakaselelwa panja pa nkambi, kadi biseba byabo ne mwita wabo ne tuvwi twabo bikasōkwa mu mudilo.+ 28 Yewa usōka’byo ufwaninwe kukenda bivwalwa byandi ne koya mema, kupwa ubwanya kutwela mu nkambi.

29 “Kikekala bu kitungo kya myaka na myaka komudi: Mu kweji wa busamba-bubidi, mu difuku dya dikumi dya kweji’wa, banwe* mukekala na bulanda, kadi kemufwaninwepo kwingila mwingilo nansha umo,+ ekale mwine Isalela nansha mweni ushikete mu bukata mwenu. 30 Mukapūtyilwa bubi+ bwenu mu dino difuku amba mutelwe bu bampikwa disubi. Mukasubulwa ku bubi bwenu bonso ku meso a Yehova.+ 31 I sabato ya banwe kukōkolokwa ku byonso, kadi banwe*+ mukekala na bulanda. I kitungo kya myaka na myaka.

32 “Kitobo ushingilwe māni,+ utūdilwe* kwingila bu kitobo+ pa kyaba kya shandi+ ukapūta bubi ne kuvwala bivwalwa bya bukonge,+ bivwalwa bijila.+ 33 Ukapūta bubi bwa kipandulwe kijila,+ ne bwa pema wa kubungakena’ko,+ ne bwa kisōkelo,+ kadi ukapūta bubi bwa babitobo ne bwa bantu bonso ba mu kipwilo.+ 34 Kino kikekalanga kitungo kya myaka na myaka komudi,+ pa kupūta bubi bwa bene Isalela mwanda wa bubi bwabo bonso dimo mwaka ne mwaka.”+

Penepo walonga monka mobasoñaninye Mosesa kudi Yehova.