KITEBA KYA MULAMI KYA KWIFUNDA

Pano pafwena mfulo ya ngikadilo mibi ya bintu ya Satana, i biyampe tuleke kuponena mu tulo twa ku mushipiditu. Kino kishinte kisambila pa muswelo ubwanya kwitukwasha kuta mutyima ku milombelo amba tushale nyeke batengele.

Sokola mu kino kishinte ñeni yotubwanya kuboila ku kitūkijetyima kya mupolofeto Mika. Langulukila pa binkumenkume bilombola mfulo ya kitatyi kyotukungile Yehova onakanye ino ngikadilo mibi. Kadi yuka muswelo otubwanya kulombola kufwija’ko pa kitūkijetyima kya Leza.

Kudi ñeni miyampe yotuboila ku nsekununi ya kutambwa kwātambilwe Yelusalema na Senakediba mu mafuku a Hezekia. Myanda idi mu kino kishinte idi na shintulwilo ya pa bula ku boba bapelwe kukumba kipwilo.

Kishinte kibajinji pa bino bibidi kisambila pa muswelo ukumbanga Yehova ne Yesu luombe lwabo lwa pano panshi dyalelo, kadi kilombola muswelo ufwaninwe kwikala mikōko mu buledi bwabo. Kishinte kya bubidi kisambila pa ngikadilo ifwaninwe kwikala na bakulumpe pa kipwilo kitatyi kyobengila bu bakumbi batyebatye ba luombe.