Mpangiko ya Kupwila kwa Mingilo

Yenga Ushilula 11 Kweji 8

Lwimbo 101

Min 10: Misapu ya penu. Misapu misañunwe ya mu Mwingilo Wetu wa Bulopwe. Londa madingi adi pa paje wa mfulo, ulongeje bya kumwena’ko bibidi pala pala bya mwa kupānina Kiteba kya Mulami kya 15 Kweji 8 ne Réveillez-vous ! wa 22 Kweji 8, shi kemudipo nabyo, longeja’byo na mapepala a kunyuma. Mu kya kumwena’ko kimo lombola mwa kupwijija kijika kya mīsambo “Nkidipo na kyaba.”​—Tala kabuku Kushilula ne Kwendeleja Misambo, paje 11.

Min 15: “Iula Buyampe bwa Yehova.”a Nena bemvwaniki basekunune mu kīpi myanda mimweke ilombola muswelo ushitulanga bilongwa biyampe dishinda dya kusapula. Fwija’ko kipwilo pa bukomo bokilonga mwanda wa kukwasha banabetu betabije.

Min 20: “Madyese a Mwingilo wa Bupania.”b Ipangula bipangujo biletelwe. Nena pania umo nansha babidi bashintulule madyese obatambwile mu bupania. Lombola amba yewa yense usaka kwingila bu pania ukokeja kutambula fomu wa kulombela’bo kudi mulembi.

Lwimbo 11 ne milombelo ya mfulo.

Yenga Ushilula 18 Kweji 8

Lwimbo 82

Min 12: Misapu ya penu. Lapolo wa mikōlo. Wisambile pa “Mpangiko ya Kubungakana kwa pa Bula kwa Difuku Dimo.” Tela difuku dya kubungakana kwa pa bula kwa difuku dimo, ne kukankamika bonso kukatanwa’ko. Shi kuno kubungakana kusa kulongwa mu makweji matyetye alonda’ko, lombola amba boba basaka kubatyijibwa bafwaninwe kuyukija mutadi mwimaniji.

Min 15: “Mwingilo Utūkija Mutyima.”c Badikila kuteakanya’ko bantu babidi nansha basatu bakashintulula muswelo wibatūkije mwingilo wa bwine Kidishitu mutyima.

Min 18: “Tulamei Kifuko Kyetu kya Kutōtela’po Kilongololwe Senene.”d (Musango 1-5) Ipangula bipangujo biletelwe. Shi kemwisambila pa musango wa 3 ne wa 4, pituluka mu mpangiko ya penu ya kukomba ku Njibo ya Bulopwe. Kokela milangwe ku myanda isakilwa kuta’ko mutyima. Fwija’ko kipwilo pa bukomo bokilonga bwa kulama dyangi pa kifuko kitōtelwa’po butōtyi bwabine.

Lwimbo 114 ne milombelo ya mfulo.

Yenga Ushilula 25 Kweji 8

Lwimbo 175

Min 10: Misapu ya penu. Londa madingi adi pa paje wa mfulo, ulongeje bya kumwena’ko bibidi pala pala bya mwa kupānina Kiteba kya Mulami kya 1 Kweji 9 ne Réveillez-vous! wa 8 Kweji 9 (shi kemudipo nabyo, longeja’byo na mapepala a kunyuma). Mu kimo ne kimo, mbutwile ne wandi mwana nsongwalume nansha nsongwakaji baketeakanya mwa kwendela mu mwingilo wa kupāna mapepala. Bakapituluka bidi mu kīpi mu madingi a mwa kupānina alombwelwe ebiya kebalonga kya kumwena’ko.

Min 15: Bisakibwa bya penu.

Min 20: Twikalei na Bukankamane bwa Kusapula. (1 Tes. 2:2) Dishikulu ne mwisambo na bemvwaniki. Shintulula mwanda waka bavule bevwananga moyo pa kufwena bakwabo na musapu wa Bulopwe. Bine kino kifikilanga nansha boba basapulanga kala ke myaka mivule. Sekununa myanda imoimo mimweke idi mu Kiteba kya Mulami kya 1 Kweji 12, 1999, paje 20; Kiteba kya Mulami kya 1 Kweji 1, 2000, paje 12; ne Kiteba kya Mulami kya mu Falanse kya 1 Kweji 4, 1996, paje 31. Nena bemvwaniki bashintulule i muswelo’ka obabwenye kusapula myanda miyampe kwampikwa moyo mu bitatyi byobadi bevwana moyo. Fudija na kukankamika bonso bamwene bukomo kudi Yehova, na munenena Kiteba kya Mulami kya 1 Kweji 1, 2000, paje 15-16.

Lwimbo 125 ne milombelo ya mfulo.

Yenga Ushilula 1 Kweji 9

Lwimbo 84

Min 10: Misapu ya penu. Vuluja basapudi batūle malapolo a mingilo a Kweji wa 8. Tela mabuku a kupāna mu Kweji wa 9. Teakanya kumeso kwa kitatyi muntu umo nansha babidi bakasekununa myanda mimweke yūbaka yobatene mu busapudi bwa kiponka na ponka pobadi ku kitango kya distrike, nansha mu byaba bikwabo mu Kweji wa 7 nansha wa 8.

Min 15: Le Ulamanga Mulao Obe wa Kujokela’ko Dipya? Dishikulu ne mwisambo na bemvwaniki wimanine pa Kiteba kya Mulami kya 15 Kweji 9, 1999, paje 10-11, Falanse, pa kamutwe ka mwanda kanena’mba “Autres manières de tenir ses promesses” (Muswelo Mukwabo wa Kulama Milao Yetu). Kitatyi kyotutana mu mwingilo wetu bantu basangela’o, pavule pene tukwatanga mpangiko ya kwendeleja mwisambo kitatyi kikwabo. Le tujokelanga’ko enka motulaila’mwa? Pituluka mu misoñanya ya mu Bible itukankamika kulama mulao wetu. Nena bemvwaniki basekunune myanda mimweke ilombola muswelo obeselwanga kitatyi kyobajokela’ko bukidibukidi.

Min 20: :“Tulamei Kifuko Kyetu kya Kutōtela’po Kilongololwe Senene.”e (Musango 6-12) Ipangula bipangujo biletelwe. Nena ukoma mvubu ya kulama bukundwe bwa Njibo ya Bulopwe, ulombole myanda mikatampe idi mu kapango pa paje wa 5. Wisambile ne pa mwikadila udi’mo Njibo yenu ya Bulopwe, lombola kadi ne mpangiko yonso ikwetwe mwanda wa kwiilongolola.

Lwimbo 41 ne milombelo ya mfulo.

[Kunshi kwa dyani]