Malondololo ku Bipangujo Byenu

◼ Lelo i kitatyi’ka kifwaninwe kubunda kisumpi kya ludimi lwa bweni?

Shi mwaba wa kipwilo udi na bantu babwane’ko banenanga ludimi lwa bweni, bakulumpe bafwaninwe kulonga bukomo bwa kulongolola mwingilo wa busapudi mu ludimi’lwa. (km 7/02 p. 1; km 3/98 p. 3-4) Bikokejika pamo bantu ba ludimi lwa bweni i bakusankane koku na koku mu myaba ya bipwilo bibidi nansha bivule. Shi bidi namino, mutadi nansha batadi ba kipindi bakaleta bwendeji busakibwa bwa kukwasha bipwilo binē myaba’ya biyuke mwa kwingidila kakasa kakasa mingilo ya busapudi. Kyaba ne kyaba, kukokeja kuteakanibwa dishikulu dya bantu bonso nansha Kifundwa kya Kiteba kya Mulami mwa kuyukila buvule bwa bantu batanwa ku kupwila kwa mu ludimi lwa bweni.

Kisumpi kya ludimi lwa bweni kikokeja kubundwa shi bisakibwa bilonda’ko bino i bibwane: (1) Kudi basapudi nansha bantu basangela musapu bemvwanija myanda miyampe mu ludimi lwa bweni. (2) Kudi mukulumpe wa bwino nansha mwingidi wa mingilo wa kutangidila ne kwendeja nansha’tu kupwila kumo kwa mu yenga. (3) Kitango kya bakulumpe kidi na mutyima wa kukwatakanya kisumpi. Shi bino bisakibwa i bibwane, bakulumpe bafwaninwe kuyukija bilo bya musambo mwanda wa kisumpi kikale kuyukibwa ne mwa kupānina’ko bulombodi bukwabo.

Bisumpi bivule bishilulanga na kwifunda Kifundwa kya Kitabo kya pa Kipwilo yenga ne yenga. Mwenda mafuku, bakulumpe bakokeja kwitabija kubweja’ko kupwila kukwabo, kifwa Kupwila kwa Bantu Bonso ne Kifundwa kya Kiteba kya Mulami. Bipindi bya No. 2, 3, ne 4 bya ku Masomo a Mwingilo wa Kiteokratike bikokeja kupityijibwa mu kalasa ka bubidi shi kudi mukulumpe wa bwino nansha mwingidi wa mingilo uyukile ludimi’lwa wa kwingila bu mudingidi. Inoko, shi kitatyi kya dishikulu dya bufundiji, myanda mikatampe ya mu Bible, ne Kupwila kwa Mingilo kibabwana, kisumpi kikesoba mu kipwilo. Kubwanya kuteakanibwa ne kupwila kwa kwenda mu mingilo ya budimi kwa kisumpi.

Bonso badi mu kisumpi bakengila munshi mwa butadi bwa kitango kya bakulumpe. Bakulumpe bakaleta buludiki bujalale ne kwikala na mutyima wa kuvuija bisakibwa bya mu kisumpi. Mutadi wa kipindi papempula kipwilo kikwatakanya kino kisumpi, ukakwata’ko mpangiko ya kwingila nakyo mwanda wa kwikyubaka ku mushipiditu. Na madyese a Yehova, mwenda mafuku, kino kisumpi kya ludimi lwa bweni kikokeja kwikala ke kipwilo.