Ku matuku a bakalenge too ne ku matuku akibakululabu Yelushalema

Malu adi malonda mu tshitupa etshi avua menzeke munda mua bidimu bitue ku 600. Bua kumpala mbua Yonatana muana wa mukalenge Shaula; budi bulonda mbua Davidi, mukalenge wa kumpala wa lulamatu mu Isalele. A ndekelu avua menzeke tshikondo tshivua bena Yuda bapatuke mu Babilona muvuabu baye nabu ne bapingane bua kuibakulula Yelushalema. Netulonge malu mimpe a bungi mu tshilejilu tshia Abigayila, Natana, Eliya, Danyele, Esetê, Nehemiya, ne bakuabu. Buonso buabu bavua dijinga ne dikima mu nsombelu ya bungi. Tshilejilu, bamue bavua ne bua kukokesha bantu ba Nzambi bavua bamutombokele, bakuabu bavua ne bua kushala ne lulamatu kudi Yehowa pavua bakalenge bavua babakokesha kabayi nalu, ne banga bavua ne bua kudimuija bantu ba Nzambi bavua baditue mu ditendelela nzambi ya dishima ne mu dienza malu mabi.