LUMINGU LUA DIA 21-27/9
YELEMIYA 36-37
Musambu wa 74 ne disambila | Mêyi a mbangilu (Mun. 1)
1. Yehowa utu wambuluisha bantu badi batua Bukalenge buende mpanda
(Min. 10)
Pavua bena Yuda mu mvita, Yelemiya wakamanyisha ne: baluishi babu nebabutule Yelushalema; kadi kabavua basue kuteleja to (Yel 37:6-10; jr 27 §22)
Bakatuadija kumuluisha, bela meji ne: uvua utua baluishi babu mpanda (Yel 37:13-15; jr 28 §23)
Yehowa wakambuluisha Yelemiya tshikondo tshivuaye mu buloko (Yel 37:21; w08 15/10 11 §18)
DIEBEJA NE: ‘Mmunyi mudi tshilejilu tshia Yelemiya ne tshia bantu bakuabu mua kungambuluisha bua kutua Bukalenge bua Nzambi mpanda padiku bimvundu bia malu a tshididi?’
Bilejilu bia matuku etu aa bidi bileja mudi Yehowa wambuluisha bena Kristo netu badibu bakengesha bua mudibu babenga kubuelakana mu malu a panu
2. Bubanji bua mu Dîyi dia Nzambi
(Min. 10)
Yel 36:32: Tshilejilu tshia Yelemiya ne Baluka tshidi mua kutulongesha tshinyi? (w19.11 3-5 § 4-7, 10)
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Yel 36:1-13 (th dilonga dia 10)
4. Mua kubanga kuyukila ne muntu
(Min. 3) MUABA UDI BANTU BA BUNGI. Lomba muntu bua nulonge nende Bible. Muntu au udi mu tshitendelelu tshidi katshiyi tshia bena Kristo. (lmd dilongesha 5, kamutu ka bualu 5)
5. Dipinganyina muntu
(Min. 4) KU NZUBU NE KU NZUBU. Lomba muntu bua nulonge nende Bible. Muntu au uvua muitabe bua kuangata trakte musangu mushale. (lmd dilongesha dia 9, kamutu ka bualu 4)
6. Newambe tshinyi?
(Min. 6) Diyukidilangana. KU NZUBU NE KU NZUBU. Akula mu tshikoso malu adi mu lmd dilongesha 2, kamutu ka bualu 5. Pashishe webeje bateleji ne:
Muena kumbelu uudi uyisha udi ukuambila ne: udi usamisha mutu bua dibanda dia bintu mushinga. Ntshinyi tshiudi mua kumuambila bua kuleja ne: udi uditeka pa muaba wende?
Mbualu kayi bua mu Bible buudi mua kumuambila?
Musambu wa 142
7. Kubuelakanyi mu malu a tshididi mu muoyo webe to
(Min. 15) Diyukidilangana.
Bu mudi bena panu batungunuka anu ne kutapulukangana bikole menemene, tumanye ne: nebatusake bua kulamata luseke kampanda mu malu a panu. Tuetu katuyi tubuelakana mu malu a panu mu muoyo wetu, nebituambuluishe bua kubenga kulamata ku tshisumbu kampanda tshia malu a tshididi.—Nsu 4:23.
Mmalu kayi adi enzeka muaba uudi musombele adi mua kukusaka bua kubuelakana mu malu a panu?
Bua tshinyi kudi misangu idibi mua kukukolela bua kubenga kulamata tshisumbu kampanda tshia malu a tshididi?
Bala Luka 4:5, 6. Pashishe webeje bateleji ne:
Mmunyi mudi mvese eyi mua kukuambuluisha bua kubenga kubuelakana mu malu a tshididi?
Mmvese kayi ya mu Bible iudi mua kubadila muntu bua kumumvuija tshiudi ubengela kubuelakana mu malu a tshididi?
Ela filme wa Malongesha a mu Tshibumba tshia Nsentedi: Shala kuyi luseke luudi mulamate mu malu a pa buloba budi butapuluke. Pashishe webeje bateleji ne:
Ntshinyi tshiudi mulonge mu filme eu tshidi mua kukuambuluisha bua kubenga kubuelakana mu malu a panu nansha mu muoyo webe?
Bilondeshile tshiena-bualu tshia kulonga tshidibu bakuile mu filme eu, mmalu kayi manene anayi adi mua kukuambuluisha bua kubenga kulamata luseke kampanda mu malu a panu? (w16.04 27-31)
8. Dilonga dia Bible dia tshisumbu
(Min. 30) wcg nshap. 9