Difuanyikijila malu adibu balonde mu Bible

Mu Bible mudi malu a bungi malelela adi ne malongesha a mushinga. Tuetu badifuanyikijile muvua malu au mua kuikala menzeke, netuumvue bimpe ne neatuambuluishe. Mona amue malu adi mua kukuambuluisha bua kuenza nanku.

• Bala ne dîyi dikole. Wewe ubala Bible ne dîyi dikole, nebikuambuluishe bua kudifuanyikijila amue malu audi ubala, ne wenda uumvua bimpe menemene. Panudi nubala Bible mu dîku, nupeshe muena mu dîku yonso mêyi a muntu ne muntu udi muakule mu tshitupa tshinudi nubala. Dîba adi nenumone anu bu ne: malu anudi nubala adi enda enzeka.

• Difuanyikijila malu. Dienzeja bua kumvua meji avua nawu bantu badi mu tshitupa tshinudi nubala atshi ne muvuabu badiumvua. Tshilejilu, diebeja ne: ‘Bua tshinyi muntu eu mmuambe malu aa anyi muenze? Mvua mua kuikala muele meji kayi anyi mumvue bishi bu nsombelu eu mumfikile meme?’

• Zola bimfuanyi bia malu audi ubala. Nebikuambuluishe bua kumona mu lungenyi muntu udi wakula ne kuvuluka malu avuaye muambe, nansha wewe kuyi mumanye kuzola.