Mua kumvua bilejilu bia mu Bible

Misangu ya bungi mu Bible mutu bilejilu bidibu bafile bua kumvuija ngenyi kampanda. Kadi bitu bikolela bantu ba bungi batu babala Bible bua kubiumvua. (Mat. 13:13) Ntshinyi tshiudi mua kuenza bua ufike ku dibiumvua? Enza nunku:

• Keba lungenyi lunene ne tshilejilu tshidibu bafile bua kulumvuija. Tshilejilu, mu Buakabuluibua 3:3 badi bafuanyikija dilua dia Yezu (lungenyi lunene) ne dilua dia muivi (tshilejilu).

• Keba dipetangana didi pankatshi pa lungenyi lunene ne tshilejilu atshi. Ela meji a tshidibu bafuanyikijile tshintu kampanda ne tshikuabu ne a dipetangana didi pankatshi pa bintu abi.

• Kuata tshidi tshilejilu atshi tshilongesha menemene. Imue misangu, muntu yeye kayi mumvue bimpe mudi lungenyi lunene ne tshilejilu tshidibu bafile bipetangana, udi mua kukuata dilongesha didi kadiyi dilelela. Mu tshilejilu tshitukadi bafile ku ntuadijilu, Yezu kena ulua bua kuiba to. Kadi bilondeshile mvese idi kuulu, mbafuanyikije dilua diende ne dia muivi mu ngumvuilu wa ne: nealue dîba didi bantu kabayi bamanye to.