Tupamba mu bikondo bia kale

Babadi ba Bible mbamanye bimpe ne: bayidi bakuabu ba Yezu bavua balobi. (Mâko 1:16-20) Bavua baloba ne tupamba mu Mbuu wa Galela.

Bavua baluka tupamba ne nshinga anyi buanda bua line bua kuenza masoso. Bavua benza masoso au bilondeshile bunene bua mishipa ivuabu bakeba kukuata. Misangu ya bungi bavua basuika tshiamu tshia plomb anyi mabue ku kapamba ka masoso makese bua kukapuekesha mu mâyi; kadi kapamba ka masoso manene nansha muvuabu basuikilaku bintu bia bujitu kuinshi bua kapueke, bavua basuikilaku kabidi bintu bivua mua kuenza bua kakabuedi konso mu mâyi to, bu mudi bitupa bia mitshi.

Tupamba tuvua mushinga mukole. Mabue avua mu mâyi avua mua kutunyanga anyi tuvua mua kupandika pavuabu bakuata mishipa mipite bungi. (Luka 5:6) Bible udi wamba bua Yakobo ne Yone ne: bavua “balongolola tupamba tuabu,” pamuapa bavua batutela ne kashingi ne buanda bua line. (Mat. 4:21) Balobi bavua pamuapa balongolola tupamba atu dîba dionso divuabu bajikija kuloba. Luka pende udi wamba muvua balobi “basukula tupamba tuabu” bua kumbusha bitotshi anyi bintu bikuabu. (Luka 5:2) Pashishe balobi bavua banyika tupamba tuabu pamuapa bua katunyanguki lukasa to.​—Yeh. 47:10.

Yezu wakabikila bantu bavua bamanye mua kuloba ne tupamba bua balue “balobi ba bantu.”