Longolola mandamuna adi akolesha a wewe kufila mu bisangilu

Mu bisangilu bietu tutu ne diakalenga dia kufila mandamuna bua kukankamija bena Kristo netu. (Eb. 10:24, 25) Mmunyi mutudi mua kulongolola mandamuna adi mua kukolesha bakuabu?

• Sambila. Ulombe Yehowa bua akuambuluishe bua kufila mandamuna adi amutumbisha ne adi akolesha bakuabu.​—Mis. 35:18.

• Dienzeja bua kufila mandamuna adi afumina mu muoyo, pamutu pa kubala bidi bifunde mu mikanda anu mudibi amu. Paudi wandamuna mu ebe mêyi, newambuluishe bakuabu bualu badi bumvua muudi uleja ditabuja diebe kudi Yehowa.

• Andamuna mu mêyi makese. Mandamuna mîpi ne mapepele ke atu atamba kukankamijangana, ne atu ambuluisha bua bakuabu bapete pabu mushindu wa kuandamuna mu bisangilu.​—Nsu. 10:19.

• Fila anu mandamuna adi akolesha. Kufidi mandamuna bua kubela tshisumbu anyi bua kuakula bibi bua bena Kristo nebe to.

Nansha wewe kuyi mupete mpunga wa kuandamuna mu bisangilu, udi anu mua kukankamija bakuabu. Ikala uteya ntema padi bana betu bandamuna mu bisangilu ne ubele kalumbandi bua mandamuna abu.​—Nsu. 10:21.