Lota Nupui Hre Reng Rawh

Engvângin nge Lota nupui chu Sodom khua a chhuahsan lai khân a lehhawi? Bible-in a chhan a sawi lo. (Gen. 19:17, 26) Isua vaukhânna thu aṭang chuan a kalsan tâk thilte a duh vâng niin a lang. (Lk. 17:31, 32) Lota nupui anga Pathian duhsakna chân ve lo tûrin eng nge kan tih theih? Hausakna leh nawmsakna chu thil pawimawh berah dahin kan zawng hmasa ber tûr a ni lo. (Mt. 6:33) Isua chuan “Pathian leh Sum rawng” bâwl kawp theih a ni lo tih min zirtîr a. (Mt. 6:24) Mahse, tisa lam thil tihte’n kan thlarau lam thiltihte a dîpral ṭan tih kan hriat chuan engtin nge ni ang? Inthlâk danglam a ngaihna laite hmu thiam tûrin leh chutianga ti thei tûra huaisenna leh chakna min pe tûrin Jehova kan dîl thei a ni.

LOTA NUPUI HRE RENG RAWH TIH ṬHEN THUM NEI VIDEO CHU HRE RENGIN, A HNUAIA ZAWHNATE HI CHHANG ANG CHE:

• 

  Engtin nge sum tam zâwk zawng tûra nawrna chuan Gloria-i ngaihtuahna, thusawi, leh thiltihte chu a thunun?

• Engtin nge Lota nupui entîrna chu tûn laiah kan tân vaukhânna a nih?

• Engtin nge Bible thu bulte nunpuina chuan Joe-a te chhûngkua chu a ṭanpui?

• Anna-i hnathawhpuite’n engtin nge a thlarau lam a nghawng?

• Kan nunah sum leh pai dah pawimawh zâwk tûra nawr kan nih chuan engvângin nge huaisenna kan neih a ngaih?

• Engtin nge Brian-a leh Gloria-i te’n thlarau lam thilte dah hmasa ber tûra hma an lâk leh?

• He video-ah hian eng Bible thu bulte nge i hmuh?