Tsojkëp nwingutsëˈkëm ets nˈoyjyaˈaytyakëm mët ja Diosë myëtnaymyaayëbëty (Rom. 12:10). Tuk pëky wiˈix mbäät duˈun nduˈunëm, yëˈë ko nguytyuˈunëm tijaty nwandakëm oy näˈäty tsyiptaˈaky. Pes ko ngakuytyuˈunëm tijaty nwandakëm mbäät axëëk nyajnayjyäˈäwëm ja nmëguˈukˈäjtëm o nyaˈˈayoˈowëm (Mat. 5:37). Extëm pënaty të pyëktë, Jyobaa tsyojkypy tkuytyundët tijaty ojts nyaytyukwandäˈägëdë. Ets nanduˈun ja uˈunktääk uˈunkteety, tsojkëp tkuytyundët tijaty ja yˈuˈunk yˈënäˈk tyukwandaktëp. Kom ntsojkëmë Dios ets ja nmëguˈukˈäjtëm, nguytyunäˈänëm ja nˈääwˈäjt nˈayukˈäjtëm. Ja tuk pëky wiˈix mbäät nmëjˈijxëm ja Diosë myëtnaymyaayëbëty, yëˈë ko nˈijtëm oyjyaˈay (Rom. 12:13). Ko nnaywyoˈow nnaywyijtsëm mëdë nmëguˈukˈäjtëm parë mëët ngäjpx nmaytyakëm, ta mëët niˈigyë nnayˈixyˈäjtëm ets nanduˈun nmëwingoˈonëmë Jyobaa. Ko duˈun nˈoyjyaˈaytyakëm, yëˈë nety nbanëjkxëmë Jyobaa yˈijxpajtën. w24.06 paj. 12 parr. 15, 16

Jyobaa yëˈë tyuknijäˈäwëp ja tëyˈäjtën pënaty jäˈäyˈäjttëp yujy tëdaˈaky (Mat. 11:25). Ko ojts nnijäˈäwëm ja tëyˈäjtën yujy tëdaˈaky ojts nˈijtëm ets ojts nasˈijxëm parë nmëguˈukˈäjtëm xypyudëjkëm (Apos. 8:​30, 31). Per tsojkëp nnaygyuentëˈäjtëm parë këdiibë xytyuktëjkëm ja mëjˈäjt këjxmˈäjtën, mët ko mbäät nwinmäˈäyëm ko niˈigyë tijaty njäjt nnijäˈäwëm ets kyaj jyëduˈunëty extëm myiny mä Biiblyë o extëm xynyëˈëmoˈoy xytyuˈumoˈoyëm ja Diosë nyax kyäjpn. ¿Ti xypyudëkëyäˈänëm parë duˈunyëm njäˈäyˈäjtëm yujy tëdaˈaky? Yëˈko njaˈamyajtsëm ko kyaj ti ntsoowˈäjtëm Dios windum (Sal. 8:​3, 4). Nan mbäät nˈamdoˈowëmë Jyobaa Diosë nyaybyudëkë parë nˈijtëm yujy tëdaˈaky ets nasˈijxëm parë nyajpudëjkëm. Jyobaa, yëˈë xypyudëkëyäˈänëm parë nmëbëjkmëty mëdiˈibë miimp mä Biiblyë ets extëm xytyukniˈˈijxëm ja nyax kyäjpn, kyaj yëˈëjëty extëm ëtsäjtëm nwinmäˈäyëm. Ko ngäjpxëmë Biiblyë ta nnijäˈäwëm ko Jyobaa yˈoyˈijxypy ja jäˈäy mëdiˈibë yujy tëdaˈaky ets yˈaxëkˈijxypy ja mëdiˈibë mëj këjxm nayajnäjxëp. Pääty oy ko niˈigyë nnaygyuentëˈäjtëm këdiibë xytyuktëjkëm ja mëjˈat këjxmˈat ko nyajtuknipëjkëm tuˈugë tuunk. w24.07 paj. 10 parr. 8, 9

Mä jëmëjt 1919 Jesus yëˈë tyuknipëjk tuk grupë nmëguˈukˈäjtëm mëdiˈibë nëjkxandëp tsäjpotm parë tˈixtët wiˈix yaˈëwaˈkxy yajkäjpxwaˈkxy ja Diosë yˈayuk ets xymyoˈoyëm tijaty nyajtëgoyˈäjtëm (Luk. 12:42). Etsë Jyobaa täjën tkunuˈkxy yäˈädë tuunk (Is. 65:​13, 14). Koxyëbë Diosë nyax kyäjpn tukniwits tuknimäˈkxë tijaty tkatuny, tsipxyëp nduˈunëm ja tuunk mëdiˈibë Jesus ojts xytyuknipëjkëm (Mat. 28:​19, 20). Extëm nˈokpëjktakëm të yajtukniwitsë mäjaty mbäät ngäjpxwäˈkxëm, per koxyëp duˈun kyayajtuny, oyxyëp myääjëty ngäjpxwäˈkxkojëm. Mbäät naa tim jamyëm nˈëwäˈkx ngäjpxwäˈkxëm ets kyaj wiinktsow nekynyëjkxëm. ¿Jadaa ja tuk pëky wiˈix ndukˈoyˈäjtëm ko duˈun tukniwits tuknimäˈkxë tijaty yajtuny? Tyam duˈun tijaty yajtukniwitsë mä Diosë nyax kyäjpn extëmë Jesus ttuuny ko myiiny Naxwiiny. w24.04 paj. 8, 9 parr. 2-4