DILONGI 60
Laba gugumisa gindugu giayi yi Yehowa ngolu
Gulonguga giayi gu Bible, gugusadishidi mu gwishiya mambu mengi ma dala Yehowa. Mambu ma ulonguga, ma gusadishidi mu guguma gu muzola ngolu. Kega mbala jeka u gadihana gwena ye, kega u gasenda mbodjiga. Mbi lō u gasenda mbodjiga, mbala jega u nagana gu yisenda tunda lō. Gashi ada mu senda mbodjiga, u fe laba gugumisa gindugu giayi ngolu yi Yehowa mvula yi mvula. Pila yiki?
1. Mumwilegi u fe laba gugumisa gindugu giayi yi Yehowa ngolu?
Du fwe laba guhanga yigesa yingolu mu gulaba gugumisa gindugu giedu yi Yehowa ngolu. Mumwilegi? “Mumwila du kondji bila [mbuga yedji] ada ki.” (Baebreo 2:1) Yigi yifwe gudusadisa mu gulaba guhangila Yehowa mu mudjima u kima? Du fe dihana ngolu mu gisalu gi gulonga sangu ji pimbu, kega gugamba ma pila mega ma guhangila Yehowa ngolu. (Danga Bafilipi 3:16.) Guhangila Yehowa gwena luganu lu moshi lu guhida pimbu mu lujingu!—Nkunga 84:10.
2. Yigi yeka u fwe hanga mu gulaba gugumisa gindugu giayi yi Yehowa ngolu?
Ada u gumini gusuga yigulonguga Bible, lō gubila mbi mu wa lava gaga gukala Mukristu. Bible di na dulesa mbi du fe “vada gimudu gi pa.” (Baefezo 4:23, 24) Hohana, laba gudanga Ndaga yi Nzambi kega gwenda gu malugudaganu mumwila u longugi mambu mengi meka, mumwila yi Yehowa kega yigalulu yendji. Hanga yigesa mu gulaba pimbu-pimbu yigalulu yi Yehowa mu lujingu lwayi kega gulaba gwega yigalulu yikima yi mbi mumwila mu gumuwha gieshi.
3. Pila yiki Yehowa a gagusadisa mu gulaba gugumisa gindugu giayi yi ye ngolu?
Bible di nahosa mbi: “Nzambi . . . Ye beni ma gamanisa gu nulonga. A ganugumisa gigesa, a ganugumisa ngolu, ma ganu sa fondasio di ngolu.” (1 Piere 5:10) Mangindu ma guhanga mambu ma mbi ma gudwishilanga edu’akima. Gashi Yehowa a guduwhanga mambu makima mo ma dugukalanga mo funu mu gulaba gukala ngolu. (Nkunga 139:23, 24) Ye u gahosa mbi m’aguwha nzala yi ngolu yigulaba gumuhangila mu mudjima u kima.—Danga Bafilipi 2:13.
WISHIYA KEGA MAMBU MENGI
Dala mambu ma u le hanga mu gulaba gugumisa gindugu giayi yi Yehowa ngolu kega malusagumunu ma u gasenda.
4. Laba gusolula yi andugu ayi a guhida pimbu
Gisambu kega gulonguga Bible, gi gagusadisa mu guguma ndugu u Yehowa. Pila yiki guhanga mambu ma gugagusadisa mu guguma kega ndugu ndugu u ngolu u Yehowa?
Dangenu Nkunga 62:8, gudima hanenu mvudu mu muwu’a wu:
Mu gugumisa kega gindugu giayi yi Yehowa ngolu, pila yiki u fe solulanga yi ye mu gisambu?
Dangenu Nkunga 1:2 kega noti gu mashina ma gasa, gudima hanenu mvudu mu muwu’a wu:
Mumwila gindugu giayi yi Yehowa gi gumi kega ngolu, yigi u fe hanga mumwila gudanga Bible guguneyidi mapimbu?
Yigi u fe hanga mumwila gulonguga gwayi beni guguneyidi mapimbu? Mu gudala ndambu yimambu ma u fe hanga, dalenu VIDEYO, gudima hanenu mamvudu mu miwu mi:
Ngindu jigi wa zola guhangila mu mangindu makima ma, m’ahoshila mu videyo?
Masolu meki wa zola gu longuga?
5. Dishidi maluganu ma gimpeve
Gudishila maluganu mu gisalu gi Yehowa mu gu’agusadisa mu gulaba gugumisa gindugu giayi yi Yehowa ngolu. Dalenu VIDEYO, gudima hanenu mvudu mu muwu’a wu:
Pila yilesa videyo, maluganu ma magasendji pangi Cameron, ma gamuneyididi mapimbu meki?
Lō mbi hadu akima a le gwe longa sangu ji pimbu mu ma peyi mega. Ada gio, edu’akima du le senda luganu lu guhanga mambu mo ma du le guga guhanga. Dangenu Bingana 21:5, gudima hosjhilenu maluganu mo, ma wa zola gudishila . . .
mu dibundu.
mu gisalu gi gulonga sangu ji pimbu.
Pila yigi mambu mo mena mu verse di, ma le gugusadisa mu gulungisa maluganu ma u dishila?
Maluganu ma u le senda
Guyidiga pila yeyi yigusamba.
Gudanga Bible di kima.
Gwishiyagana yi hadu akima mu dibundu dienu.
Guyandjiga gulonguga Bible yi hadu.
Guguma mubagi-mbuga sadishi to mubagi-mbuga u dangu di kima.
Gulungisa mambu mo m’agulombanga mu guguma sadi u gisalu, mbi wena pangi-yala.
6. Jinga mu gieshi mvula yi mvula!
Dangenu Nkunga 22:26, gudima hanenu mvudu mu muwu’a wu:
Yigi u fwe hanga ayi mu gujinga mu gieshi yandjiga mwaniowu kega mvula yi mvula?
MU KUFI
Laba gugumisa gindugu giayi yi Yehowa ngolu kega senda luganu lu guhanga mambu mengi mu gisalu giendji. Mbi mu nahanga mambu ma, mu wa jinga mu gieshi yandjiga mwaniowu kega mvula yi mvula!
Mvudugila
Mumwilegi u nagumbula mbi, Yehowa ma gagusadisa mu gulaba gumuhangila mu mudjima u kima?
Pila yigi u fwe laba gugumisa gindugu giayi yi Yehowa ngolu?
Pila yigi gudishila luganu lu guhanga mambu mengi mu gisalu gi Yehowa, lu gagusadisa mu gulaba gugumisa gindugu giayi yi Yehowa ngolu?
DALA KEGA
Yigi yena gima gi guhida funu mumwila yi Yehowa, guhanga mbala yimoshi buna gima gimoshi gi guyiduga mumwila mu gulesa mbi mu dugudihananga gwena ye to gulaba gugandamana gwena ye lujingu lwedu lu kima?
Ada sadi u gwigama u Yehowa u le bidisa kega gieshi giendji. Dala mambu ma le gumusadisa mu guhongulugila kega gieshi giendji.
Sendulula gieshi mu mbuga yigulonguga kega guyindulula (5:25)
Dala pila yi u le gudishila maluganu ma gimpeve, ma guhanga ngolu mu gisalu gi Yehowa kega gumalungisa.
Dala mumwilegi gwena funu mu guguma Mukristu u gugula mu gimpeve kega pila yi ule gula mu gimpeve?
“Laba gugula mumwila ‘gilumbu gi neni gi Nzambi gi gumini heyi-heyi’” (Nzozulu ya Nkengi 15/5/2009)