L’Humanité Pé Rode Bon Dirigeants

“Démissionné, mo dire toi, nou’nn fini avec toi. Au nom Bondié, allé!”—C’est là bann paroles Oliver Cromwell ki Leopold Amery, membre Parlement Britannique ti cité.

Sa ti faire huit mois ki Deuxième Guerre Mondiale ti pé craze partout, ek li ti parette ki la Grande Bretagne ek so bann alliés ti pou perdi la guerre. Pou Leopold Amery ek bann lézot membres gouvernement, ti bizin enn nouveau dirigeant. Alors, le 7 Mai 1940, dans la Chambre des communes, Mons. Amery ti adresse sa bann paroles cité pli haut-la à Premier Ministre Neville Chamberlain. Trois jours après, Mons. Chamberlain ti démissionné, ek Winston Churchill ti prend so place.

ENN dimoune à la tête pou dirigé, sa c’est enn besoin de base de l’humanité, mais pa n’importe kisannla kapav dirigé. Même dans enn famille, fodé ki enn papa éna capacité pou prend la tête pou ki so madame ek bann zenfants kapav vivre bien. Alors, maziné ki capacités enn dirigeant national ou mondial bizin éna! Li pa étonnant donc ki li difficile pou trouve bann bon dirigeants.

À cause sa ki pendant des milliers l’années finn éna enn quantité couronnements, révolutions, coups d’État, nominations, élections, assassinats, ek changements gouvernements. Bann lé-rois, premier ministres, princes, présidents, secrétaires général, ek dictateurs finn trouve zot arrive au pouvoir, ek après perdi pouvoir. Bann changements ki pa ti atann finn faire même bann dirigeants puissant perdi pouvoir. (Guette l’encadré “Enn Seul Coup Zot Inn Perdi Zot Pouvoir,” lor page 5.) Pourtant, li’nn difficile pou trouve bann bon dirigeants ki kapav dirigé dans enn manière stable.

Eski “Nous Pa Kapav Faire Autrement?”

Donc, li pa étonnant ki enn quantité dimoune inn perdi l’espoir trouve enn bon dirigeant. Dans certains pays, dans période élection, nous remarque bien l’indifférence ek désespoir ki bann dimoune ressenti. Geoff Hill, enn journaliste en Afrique, ti écrire: “Bann dimoune surtout indifférent, ou-soit zot pa al voté kan zot senti ki zot pa kapav faire nanyin pou change zot la-vie misérable. . . . En Afrique, kan dimoune pa voté, sa pa veut dire nécessairement ki zot satisfait avec la situation. Pli souvent, c’est enn appel au secours pou bann ki senti ki personne pa intéressé avec zot bann problèmes. Dans États-Unis, enn journaliste, ti écrire concernant enn élection ki ti pé approché: “Li ti pou bon si ti éna enn candidat parfait.” Li ti ajouté: “Enn candidat coumsa pa existé. Jamais finn éna ek jamais pa pou éna. Nous pa kapav faire autrement.”

Eski vrai-même l’humanité péna choix ek obligé gagne zaffaire avec bann dirigeants imparfait? Li vrai ki bann dirigeants humains pa finn réussi satisfaire bann besoins zot bann sujets. Mais eski sa veut dire ki jamais nous pa pou éna enn bon dirigeant? Non. Nous kapav gagne pli bon dirigeant ki éna. Dans prochain l’article, nous pou guetté kisannla ki dirigeant idéal pou l’humanité, et couma par million dimoune ki sorti dans tou qualités l’environnements—ou aussi parmi—kapav tire profit kan li dirigé.

[Zimage, page 3]

Là-haut à gauche: Neville Chamberlain

Là-haut à droite: Leopold Amery

Enba: Winston Churchill

[Credit Line]

Chamberlain: Photo par Jimmy Sime/Central Press/Getty Images; Amery: Photo par Kurt Hutton/Picture Post/Getty Images; Churchill: The Trustees of the Imperial War Museum (MH 26392)