Li Ti Diferan ar Lezot Dimounn

INPE apre lamor Enok, sertin anz dan lesiel ti rebel kont Bondie. Sa bann move anz-la ti anvi gagn relasion sexiel ar bann madam ki ti lor later. Alor, zot ti pran form imin, ek zot ti swazir bann fam lor later pou vinn zot madam. Zot bann zanfan ti lamwatie anz ek lamwatie imin. Sa bann zanfan-la ti bann zean, ki ti bien violan ek kriel. Ti apel zot bann Nefilim. Akoz zot move linflians, bann dimounn ti vinn bien move. Kan Bondie ti kree bann imin, Li ti donn zot enn zoli lavi. Me, akoz sa kantite violans ek mesanste la, lavi bann dimounn ti’nn gate net. Selman, Enok so aryer ti zanfan ti bien diferan avek bann lezot dimounn; li ti apel Noe.

Noe ti vinn enn dimounn ki drwat parey kouma Enok. Labib dir: “Noe ti mars ar vre Bondie.” Plitar, Noe ti marye. Li ek so madam ti obeir Zeova, ek zot ti ansegn zot trwa garson pou fer parey. Akoz sa, so fami ti bien diferan ar bann lezot dimounn ki ti otour zot.

Enn zour, Zeova ti dir Noe ki Li ti desid pou detrir tou bann move dimounn lor later. Me selman, Zeova ti donn Noe enn lespwar. Li ti dir Noe aranz enn gran lars pou ki sertin dimounn gagn lavi sov. Zeova ti predir ki pou ena enn deliz ki ti pou kouver later net. Selman, zame Noe ti trouv enn kitsoz koumsa arive avan. Ek se premie fwa ki li gagn enn responsabilite koumsa, setadir pou aranz enn gran lars. Me parski Noe ti ena lafwa dan Zeova ek dan So bann promes, li ti koumans aranz lars-la.

Noe ek so fami ti bizin boukou kouraz pou fer sa travay-la. Sirman, bann dimounn ti boufonn zot ek ti rod anpes zot fer zot travay. Sa bann move anz-la ti bann lennmi bien pwisan ek zot ti fer per. Zot bann garson ti kontan fer dominer ar lezot. Selman, sa pa ti anpes Noe, so fam, so trwa garson, ek zot bann madam pou obeir Zeova. Pandan apepre 50 an, sa wit dimounn-la ti travay bien dir pou aranz sa lars-la. Tigit-tigit lars-la ti koumans pran form.

Pandan sa lepok-la, Noe ti fer bann lezot kitsoz. Labib apel li “predikater lazistis.” Antan-ki sef fami, Noe ti averti bann dimounn seki ti pou ariv zot, ek sirman so madam, so bann garson ek so bann belfi ti imit so lexanp ek zot ti fer parey. Selman, personn dan so lantouraz pa ti ekout li. Mem bann lezot manb so fami pa ti rod ekout li. Noe ti ena enn gran lafwa, ek akoz sa, li ti diferan ar bann lezot dimounn. Nou konpran kifer Labib dir lor Noe: “Par sa lafwa-la, li ti kondann lemond.”

Finalman, Noe ek so fami ti fini aranz lars. Zot ti bizin ramas manze, delo ek bann lezot kitsoz ki zot ti bizin pou zot ek pou tou bann zanimo ki ti pou amenn dan lars. Lerla, enn kitsoz extraordiner ti arive. Tou kalite zanimo, mal ek femel, ti rant dan lars par zotmem. Labib dir ki zot “ti al ver Noe pou rant dan lars, de par de.”

Bondie ti fini dir Noe pou pran so fami ek rant dan lars, parski dan set zour lapli ti pou koumans tonbe. Kitfwa to kapav mazine ki kantite sa fami-la ti bien okipe ek zot ti bizin fer tou seki zot kapav pou ramas bann dernie kitsoz ki ti reste pou ki zot kapav rant dan lars. Akoz sa, kitfwa bann dimounn ti boufonn zot ankor plis. Me kan zot ti fini ramas tou zot bann kitsoz ek rant dan lars, Zeova limem ti ferm laport. Lerla, bann dimounn ki ti boufonn zot, zot labous ti ferme. Apre sa, lapli ti kontign tonbe. Lerla, dousman-dousman nivo delo ti koumans monte pandan 40 zour ziska ki li ti kouver bann montagn. Kan Zeova ti detrir sa bann move dimounn-la, se koumsa Li ti netway later.

Noe ek so fami ti res dan lars pandan plis ki enn an. Pandan sa letan-la, delo ti koumans diminie tigit par tigit, ek plitar Zeova ti dir Noe ki zot kapav sorti. Kan Noe ek so fami ti sorti depi dan lars, zot ti ador Zeova ek zot ti remersie Li parski Li ti sap zot. Apre sa, Zeova ti fer promes ki zame Li ti pou amenn enn lot deliz. Lerla, Zeova ti fer enn larkansiel pou montre ki Li pou tini so promes.

Azordi, tou bann dimounn ki lor later zot bann desandan sa fami-la. Alor, nou bien rekonesan ki Noe ek so fami ti ena kouraz ek ti montre ki zot ti bien diferan ar bann dimounn sa move lemond-la!

Lir sa zistwar-la dan Labib:

• Zenez 6:1–8:22; 9:8-19

• Ebre 11:7

• 2 Pier 2:5

Kouma to pou reponn?

Dan ki diferan fason Noe ti montre kouraz?

Anou Get Inpe Plis

1. 1. Kouma later ti ete avan Deliz? (w02 1/3 5 ¶3–6 ¶4-wcgr)

   To repons

2. 2. Kan eski Noe ti gagn lord pou aranz lars? Kan eski Bondie ti dir Noe ki lapli pou koumans tonbe? (w12 1/4 25 ¶5-8)

   To repons

3. 3. Kifer nou kapav sir ki Deliz ti vremem arive? (ijwbq lartik 156 ¶2-5, lankadre-wcgr) A

   To repons

   

   Historic Collection/Alamy Stock Photo

4. 4. Ki ti arive plis ki enn santenn lane apre Deliz, ek kouma sa kitfwa ti afekte Noe? (it “Noe” No. 1 ¶12-wcgr) B

   To repons

   

Bann Leson ki Nou Kapav Aprann

• Kouma eski nou lepok li resanble lepok Noe? (Mat. 24:36-39)

  To repons

• Ki lexanp Noe aprann twa lor linportans pou . . .

  • organiz twa bien? C

    To repons

    

  • travay dir? D

    To repons

    

  • ena pasians? E

    To repons

    

• Kouma to kapav imit kouraz ki Noe ti montre?

  To repons

Reflesi lor Zeova ek So Proze

• Ki sa zistwar-la aprann twa lor Zeova?

  To repons

• Ki lien sa zistwar-la ena ar proze Zeova?

  To repons

• Kan Noe pou resisite, ki to ti pou kontan demann li?

  To repons

Aprann Plis

Gete kouma enn sef fami pe travay dir pou ki li imit lexanp Noe.

Imit Bann Ki Ena Lafwa, Pa Bann Ki Pena Lafwa—Noe, Pa So Bann Vwazin (2:57)

Ed to bann zanfan pou ki zot kapav tir bann leson ar lexanp Noe.

“Noe Ti Ena Lafwa dan Bondie” (ijwis lartik 18-wcgr)