LESON 13
Kouma Bann Fos Relizion Finn Elwagn Bann Dimounn ar Bondie?
Si Bondie Li lamour, kifer bann relizion ki dir ki zot reprezant Bondie, zot fer sa kantite move kitsoz-la? Repons-la li sinp: Sa bann relizion-la zot fos. Seki zot dir ek seki zot fer elwagn bann dimounn ar Bondie. Kouma zot finn fer sa? Ki Bondie resanti kan Li trouv sa? Ek ki Li pou fer ar sa bann relizion-la?
1. Kifer seki bann fos relizion ansegne elwagn bann dimounn ar Bondie?
Bann fos relizion “finn ranplas laverite lor Bondie par enn mansonz.” (Romin 1:25) Par exanp, laplipar bann relizion pa dir bann dimounn kouma Bondie apele. Selman, Labib dir nou ki nou bizin servi nom Bondie. (Romin 10:13, 14, NW) Sertin sef relizie dir ki, kan enn move kitsoz arive se volonte Bondie. Me sa li pa vre. Bondie zame pa fer bann move kitsoz arive. (Lir Zak 1:13.) Malerezman, parski sa bann sef relizie la finn koz manti, sa finn elwagn bann dimounn ar Bondie.
2. Kifer seki bann fos relizion fer elwagn bann dimounn ar Bondie?
Bann fos relizion pa tret bann dimounn parey kouma Zeova. Labib dir ki “so pese finn anpile ziska lesiel.” (Revelasion 18:5) Sa fer bann santenn lane ki bann relizion pe mel zot dan bann zafer politik, zot finn provok ek soutenir bann lager, ek zot finn aksepte ki bann milyon dimounn mor. Sertin sef relizie kontan viv dan larises, akoz sa zot demann zot bann fidel pou donn zot larzan. Zot montre par zot bann aksion ki zot pa konn Bondie. Alor, zot pena drwa pou reprezant Bondie.—Lir 1 Zan 4:8.
3. Ki Bondie panse lor bann fos relizion?
Reflesi lor la: Si ou, sa fer ou ankoler kan ou trouv seki bann fos relizion pe fer, ki ou panse Zeova resanti? Zeova kontan bann dimounn, me Li ankoler kan Li trouv bann sef relizie pe elwagn bann dimounn ar Li ek pe tret zot bann fidel dan enn move fason. Li promet ki Li pou detrir bann fos relizion ek ki “enn sel kou [zot] pou disparet.” (Revelasion 18:21) Biento, Bondie pou eliminn tou bann fos relizion.—Revelasion 18:8.
ANOU GET INPE PLIS
Ou pou aprann plis lor seki Zeova panse lor bann fos relizion. Ou pou aprann osi seki zot finn fer, ek kifer fode pa ki sa anpes ou pou aprann konn Zeova.
4. Bondie pa aksepte tou bann relizion
Boukou dimounn panse ki bann relizion zot kouma bann diferan sime ki amenn nou dan mem direksion, setadir ver Bondie. Me eski sa li vre? Lir Matie 7:13, 14, NW, ek apre sa, get sa kestion-la ansam:
Ki Labib dir lor semin ki amenn ver lavi?
Zwe VIDEO-la, ek apre sa, get sa kestion-la ansam:
Eski Labib dir ki tou bann relizion fer Bondie plezir?
5. Bann sef relizie pa imit lamour Bondie
Bann relizion finn elwagn bann dimounn ar Bondie dan plizir fason. Enn fason ki zot finn fer sa, se kan zot finn inplik zot dan bann lager. Pou trouv enn lexanp, zwe VIDEO-la. Apre sa, get sa bann kestion-la ansam:
Ki boukou legliz finn fer pandan Deziem Lager Mondial?
Ki ou panse lor la?
Lir Zan 13:34, 35 ek 17:16, ek apre sa, get sa bann kestion-la ansam:
Ki ou panse Zeova resanti kan Li trouv bann relizion inplik zot dan bann lager?
Bann fos relizion responsab boukou move kitsoz. Dapre seki ou pe trouve, dan ki fason bann fos relizion pa pe imit lamour Bondie?
Bann sef relizie pa imit lamour Bondie
6. Bondie anvi liber bann dimounn ar bann fos relizion
Lir Revelasion 18:4,a ek apre sa, get sa kestion-la ansam:
Bann fos relizion finn anbet bann dimounn. Ki ou resanti kan ou kone ki Bondie anvi ed sa bann dimounn-la?
7. Kontign aprann konn vre Bondie
Bann fos relizion dir ek fer bann move kitsoz. Eski ou panse ki sa bizin inflians fason ki ou konsider Bondie? Sey mazinn enn garson ki rezet bann bon konsey ki so papa donn li. Garson-la kit lakaz ek li amenn enn move lavi. Papa-la pa dakor ar seki so garson pe fer. Kifer li inzis pou dir ki papa-la an-tor pou bann move kitsoz ki so garson pe fer?
Eski li normal ki nou akiz Zeova ek nou aret aprann konn Li, akoz bann move kitsoz ki bann fos relizion pe fer?
SERTIN DIMOUNN DIR: “Tou bann relizion parey, zot tou ansegn bann bon kitsoz.”
Eski ou osi ou pans koumsa?
Mem si tou bann relizion dir ki zot ansegn bann bon kitsoz, kifer Bondie pa aksepte tou bann relizion?
SEKI NOU’NN APRANN
Bann fos relizion finn elwagn bann dimounn ar Bondie parski zot finn ansegn bann move kitsoz ek fer bann move kitsoz. Bondie pou detrir tou bann fos relizion.
Eski Ou Rapel?
Ki ou panse lor seki bann fos relizion ansegne ek fer?
Ki Zeova panse lor bann fos relizion?
Ki Bondie pou fer ar tou bann fos relizion?
DEKOUVER
Laplipar bann relizion fer de kitsoz ki pa fer Bondie plezir.
“Eski Bondie Aksepte Tou Bann Relizion?” (Lartik lor jw.org)
Kifer Zeova anvi ki nou ador Li ansam avek lezot?
“Eski Li Inportan ki Nou Form Parti enn Lorganizasion Relizie?” (Lartik lor jw.org)
Enn pret finn koumans ena bann dout lor so relizion. Me sa pa finn anpes li pou aprann konn laverite lor Bondie.
« Pourquoi un prêtre a quitté son Église » (Leve!, Fevriye 2015, an Franse)
Pandan boukou lane, bann relizion finn koz manti lor Bondie. Zot fer krwar ki Bondie, Li pa interese ar nou ek Li kriel. Me ki Labib ansegne vremem?
« Des mensonges qui empêchent d’aimer Dieu » (Latour Degard, 1e Novam 2013, an Franse)