6 Rehefa tapitra ireo andro fidiovany noho izy niteraka zazalahy na zazavavy, dia hitondra ondrilahy kely tsy mihoatra ny herintaona izy ho fanatitra dorana,+ ary zana-boromailala iray na domohina iray ho fanatitra noho ny ota. Hoentiny any amin’ny mpisorona, eo amin’ny fidirana amin’ny tranolay fihaonana, ireo.

18 “Ilazao i Arona sy ny zanany lahy ary ny Israelita rehetra hoe: ‘Rehefa manolotra fanatitra dorana+ ho an’i Jehovah, mba hanefana voady na ho fanatitra an-tsitrapo, ny lehilahy israelita na ny hafa firenena monina eo aminy,+ 19 dia tokony ho lahy tsy misy kilema no hatolony,+ na omby izany na vantotr’ondry na osy, mba hahazoany sitraka. 20 Tsy hanolotra an’izay manan-takaitra ianareo,+ fa tsy hahazoanareo sitraka izany.