25 Tokony hodoranareo ny sary sokitra ataony andriamanitra.+ Aza mitsiriritra ny volafotsy na ny volamena eo amin’ireny, na maka an’izany ho anao,+ sao ho voafandrik’izany ianao. Zavatra maharikoriko an’i Jehovah Andriamanitrao mantsy izany.+

2 Handresy firenena maro ianareo, ka tokony horavanareo tanteraka ny toerana rehetra anompoany ny andriamaniny,+ na eny amin’ny tendrombohitra avo izany, na eny amin’ny havoana, na eny ambanin’ny hazo midoroboka rehetra. 3 Arodano ny alitarany, potipoteho ny tsangambatony masina,+ dory ny tsato-kazony masina,* ary kapao ny sary sokitra ataony andriamanitra,+ ka foano tanteraka eo amin’ilay toerana ny anaran’ireny andriamaniny ireny.+