21 Lasa mpanjaka i Manase+ tamin’izy 12 taona, ary nanjaka 55 taona tao Jerosalema+ izy. Hefziba no anaran-dreniny. 2 Nanao izay ratsy teo imason’i Jehovah i Manase, ka nanao an’ireo zava-maharikoriko fanaon’ireo firenena+ efa noroahin’i Jehovah hiala teo anatrehan’ny vahoakan’Israely.+

19 Lasa mpanjaka i Amona+ tamin’izy 22 taona, ary nanjaka roa taona tao Jerosalema+ izy. Mesolemeta no anaran-dreniny, ary zanak’i Haroza avy any Jotba izy io. 20 Nanao izay ratsy teo imason’i Jehovah foana i Amona, toy ny nataon’i Manase rainy.+ 21 Nanao hoatran’izay rehetra nataon-drainy foana izy, sady nanompo an’ireo sampy maharikoriko notompoin-drainy, ary niankohoka teo anatrehan’ireny.+