18 Fa eo anatrehan’i Jehovah Andriamanitrao, eo amin’ilay toerana hofidin’i Jehovah Andriamanitrao, ianao no tsy maintsy hihinana an’izany,+ dia ianao sy ny zanakao lahy, ny zanakao vavy, ny mpanompolahinao, ny mpanompovavinao, ary ny Levita ao an-tanànanao.* Dia hifaly eo anatrehan’i Jehovah Andriamanitrao ianao amin’izay rehetra hataonao.

22 Hitako fa tsy misy mahasoa ny olona mihoatra noho ny mankafy ny asa ataony,+ satria izany no valisoany.* Fa iza moa no afaka mampiseho azy an’izay hitranga rehefa maty izy?+

15 Nampirisihiko hifalifaly àry ny olona,+ satria tsy misy tsara noho ny hoe mihinana sy misotro dia mifalifaly, etỳ ambanin’ny masoandro. Izany no tokony hataony rehefa miasa mafy, mandritra ny androm-piainana+ nomen’Andriamanitra azy etỳ ambanin’ny masoandro.

17 kanefa ny soa nataony no vavolombelona manaporofo ny maha izy azy.+ Nanao soa tokoa izy, ka nandatsaka orana ho anareo avy any an-danitra sy nanome anareo vokatra be dia be amin’ny fotoanany.+ Dia nataony voky sakafo ianareo sady nofenoiny fifaliana ny fonareo.”+