Salamo

Mitafy fahalehibeazana izy;

Mitafy hery i Jehovah;

Afatony eny aminy toy ny fehikibo izany.

Mafy orina ny tany,*

Ka tsy voahozongozona.*

 2 Efa mafy orina hatry ny ela ny seza fiandriananao;+

Efa nisy foana ianao hatramin’izay.+

 3 Misondrotra be ny renirano, Jehovah ô,

Misondrotra be sy misamboaravoara ny renirano.

Misondrotra be foana sady midoboka mafy ny renirano.

 4 Mahery noho ny feon’ny rano be,

Sady mahery noho ny fidoboky ny onjan-dranomasina,+

Ianao, Jehovah ô, ilay heni-kaja any amin’ny avo.+