Hira Fiakarana.
125 Izay matoky an’i Jehovah+
Dia mitovy amin’ny Tendrombohitra Ziona, izay tsy voahozongozona
Fa ho eo foana mandrakizay.+
2 Hoatran’ny tendrombohitra manodidina an’i Jerosalema,+
Dia toy izany koa fa manodidina ny vahoakany i Jehovah,+
Manomboka izao ka ho mandrakizay.
3 Tsy hijanona eo amin’ny anjara tanin’ny olo-marina ny tehim-panjakan’ny ratsy fanahy,+
Mba tsy ho lasa hanao ratsy ny olo-marina.+
4 Jehovah ô, manaova soa amin’ny olona tsara toetra+
Sy amin’ny mahitsy fo.+
5 Fa izay mivily hanaraka lalana tsy mahitsy kosa
Hesorin’i Jehovah miaraka amin’ny mpanao ratsy.+
Enga anie ka hiadana ny Israely!