Salamo

76 Fantatry ny mponina ao Joda Andriamanitra,+

Ary malaza ny anarany+ eo amin’ny Israely.

 2 Ao Salema+ ny tranolainy,

Ary ao Ziona+ ny fonenany.

 3 Tao izy no nanapatapaka ny zana-tsipìka mirehitra,

Ny ampinga, ny sabatra, ary ny fitaovam-piadiana hafa.+ (Sela)

 4 Mamirapiratra be* ianao;

Mbola manerinerina kokoa noho ny tendrombohitra fihazana remby ianao.

Resin-tory izy ireo;

Tsy misy mpiaro ny miaramila rehetra.+

 6 Ry Andriamanitr’i Jakoba ô, noho ny teny henjana nolazainao,

Dia samy renoky ny torimaso ny mpitondra kalesy sy ny soavaly.+

 8 Avy tany an-danitra ianao no nanambara didim-pitsarana;+

Natahotra ny tany ka nangina+

 9 Rehefa nitsangana hampihatra didim-pitsarana Andriamanitra,

Mba hamonjena ny mpandefitra rehetra eto an-tany.+ (Sela)

10 Fa hitondra dera ho anao ny fahatezeran’ny olona;+

Hataonao firavaka eny aminao ny fahatezerana sisa tavela ao amin’izy ireo.

11 Manaova voady amin’i Jehovah Andriamanitrareo ary efao izany,+

Aoka izay rehetra manodidina azy hitondra fanomezana amin-tahotra.+

12 Hataony tsinontsinona ny fireharehan’ny* mpitarika;

Ataony matahotra azy ny mpanjakan’ny tany.