Salamo
Ho an’ny mpitarika ny Nehilota.* Hiran’i Davida.
2 Henoy ny antso vonjy ataoko,
Ry Mpanjakako sy Andriamanitro ô, fa ianao no ivavahako.
3 Jehovah ô, haheno ny feoko ianao amin’ny maraina;+
Horesahiko aminao amin’ny maraina izay mampanahy ahy,+ ary tsy ho andriko izay hahazoana ny valiny.
4 Fa tsy mba Andriamanitra faly amin’ny faharatsiana ianao;+
Tsy misy olon-dratsy afaka miara-monina aminao.+
5 Tsy misy mpirehareha mahajoro eo anatrehanao.
Halan’i Jehovah ny olona mahery setra* sy mpamitaka.+
7 Izaho kosa hiditra ao an-tranonao+ satria tena be fitiavana sy tsy mivadika ianao;+
Hiankohoka manandrify ny tempolinao masina* aho, noho ny fahatahorako anao.+
8 Jehovah ô, manao ny rariny ianao. Tariho aho fa manodidina ahy ny fahavaloko;
Ataovy tsy misy sakantsakana ny lalanao mba handehanako.+
9 Fa tsy misy azo atokisana izay lazain’izy ireo;
Tsy mieritreritra afa-tsy ny hanisy ratsy izy ireo;
Fasana misokatra ny tendany;
Mandokadoka amin’ny lelany+ izy ireo.
Enga anie izy ireo ho voaroaka fa nandika lalàna imbetsaka,
Satria nikomy taminao!
Hosakananao izay manatona hamely azy,
Ary hifaly aminao izay tia ny anaranao.