Salamo

Tsara ny mihira fiderana* ho an’ilay Andriamanitsika;

Mahafinaritra erỳ sady mety tsara ny midera azy!+

 2 Manorina an’i Jerosalema i Jehovah;+

Angoniny ireo Israelita miparitaka.+

 3 Manasitrana an’ireo torotoro fo* izy;

Fonosiny ny ratran’izy ireo.

 4 Voaisany ny kintana,

Ary antsoiny amin’ny anarany avy+ izy rehetra.

 5 Lehibe ilay Tompontsika sady tena mahery;+

Mahira-tsaina tsy misy hoatr’izany izy.+

 6 Asandratr’i Jehovah ny mpandefitra,+

Fa atsipiny amin’ny tany kosa ny ratsy fanahy.

 7 Manaova hira ho fisaorana an’i Jehovah;

Manaova hira sady mitendre harpa mba hiderana an’ilay Andriamanitsika,

 8 Dia Ilay manarona ny lanitra amin’ny rahona,

Ilay mandatsaka orana ho an’ny tany,+

Ilay mampitsiry ahitra+ eny an-tendrombohitra.

 9 Omeny sakafo ny biby+

Sy ny zana-goaika mikiakiaka mitady hanina.+

10 Tsy ny tanjaky ny soavaly+ no mahafinaritra azy,

Ary tsy mampihontsina azy ny tongotra matanjaky ny olona.+

11 Fa ny olona matahotra azy+ no mahafinaritra an’i Jehovah,

Dia ireo miandry hoe hanehoany fitiavana sy tsy fivadihana.+

13 Manamafy ny bara hidin’ny vavahadin’ny tanànanao izy,

Ary mitahy an’ireo zanakao ao aminao.

14 Ataony manjaka ao amin’ny faritra misy anao ny fiadanana,+

Ary ataony voky varimbazaha faran’izay tsara*+ ianao.

15 Mandefa ny didiny etỳ an-tany izy,

Ka mihazakazaka haingana ny teniny.

16 Mandrotsaka lanezy, izay toy ny volonondry, izy,+

Ary manaparitaka lanezy manify toy ny lavenona.+

19 Milaza ny teniny amin’i Jakoba izy.

Lazainy amin’i Israely ny fitsipiny sy ny didim-pitsarany.+

20 Tsy nanao toy izany tamin’ny firenen-kafa+ izy;

Tsy mahafantatra na inona na inona momba ny didim-pitsarany ireny.